मुख्यमंत्री देवेंद्र फडणवीसांनी दिल्लीत पंतप्रधान नरेंद्र मोदी यांची भेट घेतल्यामुळे फडणवीस लवकरच दिल्लीच्या राजकारणात जाणार असल्याचा चर्चांनी पुन्हा वेग धरलाय. फडणवीसांनी ही शक्यता अनेक फेटाळली आहे. मात्र, फडणवीस यांनी मोदींची दिल्लीत भेट घेतल्यामुळे संजय राऊतांनी मोठा दावा केलाय.

केंद्रातलं मंत्रिमंडळ कमकुवत असून पंतप्रधान नरेंद्र मोदींना फडणवीसांची गरज असल्याचा दावा राऊतांनी केलाय. मात्र यावर मुख्यमंत्र्यांच्या पत्नी अमृता फडणवीसांनी काय प्रतिक्रिया दिलीय ती पाहूयात. फडणवीसांआधी उपमुख्यमंत्री एकनाथ शिंदेंनीही पंतप्रधान नरेंद्र मोदींची भेट घेतली होती. त्यात धर्मेंद्र प्रधानांच्या राजीनाम्यानंतर फडणवीस दिल्लीत जाणार असल्याच्या चर्चांनी जोर धरला होता. आता फडणवीसांनी पुन्हा मोदींची भेट घेतली. आणि राजकारणात कोणतीच भेट ही केवळ चहा-नाश्त्यासाठी होत नाही. त्यामुळे मुंबईबाबत दिल्लीत काय शिजतंय याबाबत संबंध महाराष्ट्राला उत्सुकता लागलीय.