Pimpri Chinchwad : पिंपरी चिंचवड महानगरपालिकेच्या यशवंतराव चव्हाण रुग्णालयात कॅश काऊंटरवर (Pimpri Chinchwad) लाखो रुपयांचा गंडा घातल्याचा प्रकार समोर आला आहे. येथे काम करणाऱ्या कंत्राटी कर्मचाऱ्याने (Fraud) बोगस पावती पुस्तक वापरून वाय. सी. एम. रुग्णालयाला लाखो रुपयांचा गंडा घातला आहे. (Tajya Batmya)

पिंपरी- चिंचवड महापालिकेच्या वाय सी एम रुग्णालयातील कॅश काऊंटर क्रमांक ४४ वर आदित्य खंडागळे हा काम करत होता. कंत्राटी पद्धतीने त्याची निवड झाली होती. तो दुपारी दोन ते रात्री दहा या दरम्यान आदित्य खंडागळे हा रुग्णालयात ड्युटीवर असायचा. या दरम्यान येणाऱ्या रुग्णांच्या नातेवाईकांना बनावट पावती पुस्तकची पावती देऊन हजार रुपयाची लूट करत असल्याचे प्राथमिक तपास उघडकीस आला आहे. यात त्याने लाखो रुपयांचा गंडा घातल्याचे समोर आले आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

चौकशी सुरु 

आदित्य खंडागळे हा भारत विकास ग्रुप अर्थात बीव्हीजी या कंपनीचा कत्राटी कर्मचारी आहे. फसवणूक केल्याच्या प्रकरणात त्याची सध्या वायसीएम हॉस्पिटल प्रशासनाकडून चौकशी करण्यात येत आहे. चौकशी पूर्ण झाल्यानंतर आदित्य खंडागळे याच्यावर योग्य ती कायदेशीर कारवाई करण्यात येईल; असे वायसीएम हॉस्पिटलचे अधिष्ठता राजेंद्र वाबळे यांनी सांगितले.