नवी दिल्ली : एकीकडे केंद्र सरकार पाठोपाठ राज्य सरकारने पेट्रोल-डिझेलवरील (Petrol Diesel Prices) टॅक्स कमी करुन सर्वसामान्य जनतेला दिलासा दिला. तर दुसरीकडे कच्चा तेलाच्या (Crude Oil Prices) किंमतीत दिवसेंदिवस वाढ होत असल्याने पेट्रोलियम कंपन्यांवर भाववाढीचा दबाव आला आहे. सरकारी पेट्रोलियम कंपन्यांनी आज पेट्रोल आणि डिझेलचे दर जाहीर केले आहेत. बुधवारी पेट्रोलियम कंपन्यांनी तेलाच्या किमतीत कोणताही बदल केलेला नाही. (Petrol Diesel Latest Prices)

शनिवारी सरकारने पेट्रोल आणि डिझेलचे दर कमी करण्याची घोषणा केली होती. यानंतर पेट्रोलच्या दरात कमाल 9 रुपयांनी तर डिझेलच्या दरात 7 रुपयांनी घट झाली आहे. त्यामुळे इंधनदरवाढीची झळ बसलेल्या सर्वसामान्यांना काही प्रमाणात दिलासा मिळाला आहे. मात्र असं असलं तरी, आंतरराष्ट्रीय बाजारात कच्चा तेलाचा भाव 114 डॉलरवर गेला आहे. जाणकारांनी या आधी जर जर कच्च्या तेलाचा भाव 110 डॉलरहून वर गेल्यास पेट्रोल-डिझेल दर पुन्हा वाढू शकतो असं म्हटलं होतं.

दरम्यान, भारतीय पेट्रोलियम कंपन्यांनी 6 एप्रिलनंतर पेट्रोल-डिझेलच्या दरात कोणतीही वाढ केलेली नाही. याअगोदर पेट्रोलियम कंपन्यांकडून 23 मार्चपासून ते एप्रिलच्या पहिल्या आठवड्यादरम्यान, 14 वेळा दरवाढ करण्यात आली होती. या काळात इंधन दरात प्रति लीटर 10.20 रुपये इतकी वाढ झाली होती.

4 प्रमुख महानगरात पेट्रोल-डिझेल दर

– मुंबईमध्ये पेट्रोल 109.27 रुपये आणि डिझेल 95.84 रुपये प्रति लीटर

– दिल्लीत पेट्रोल 96.72 रुपये आणि डिझेल 89.62 रुपये प्रति लीटर

– कोलकत्ता शहरात पेट्रोल 106.03 रुपये आणि डिझेल 92.76 रुपये प्रति लीटर

– चेन्नईत पेट्रोल 102.63 रुपये आणि डिझेल 94.24 रुपये प्रति लीटर

Edited By - Satish Daud