नाशिक : पाथर्डी गावाजवळ एका धक्कादायक घटनेमुळं खळबळ उडाली आहे. पेट्रोल पंपावर काम करणाऱ्या एका महिलेवर भरदिवसा (sickle attack on woman) कोयत्याने वार केल्याची घटना घडलीय. जुबेदा खान असं जखमी झालेल्या महिलेचं नाव आहे. या हल्ल्यात जुबेदा गंभीर जखमी झाली असून तिच्यावर शासकीय रुग्णालयात उपचार सुरु आहेत. प्रमोद गोसावी असे संशयित आरोपीचे नाव आहे. या संपूर्ण घटनेचा थरार सीसीटीव्हीत कैद झाला असून पोलीस (Police) याप्रकरणी अधिक तपास करत आहेत.

मिळालेल्या माहितीनुसार, नाशिकच्या पाथर्डी गाव -वडनेर रोड येथील जाधव पेट्रोलियम पंपावर काम करणाऱ्या महिलेवर एका इसमाने धारदार शस्त्राने वार केले. भरदिवसा घडलेल्या या थरारक घटनेमुळं परिसरात खळबळ उडाली आहे. या हल्ल्यात महिला गंभीर जखमी झाली असून तिच्यावर शासकीय रुग्णालयात उपचार सुरु आहेत. या घटनेची माहिती मिळताच पोलीस घटनास्थळी दाखल झाले. याप्रकरणी पोलिसांकडून अधिक तपास सुरु आहे.

Edited By - Naresh Shende