परभणी : अर्ध्या मराठवाड्याची तहान भागवणाऱ्या जिल्ह्यातील पूर्णा प्रकल्पाच्या येलदरी धरणात सद्य:स्थितीत २८ टक्के पाणी साठा उपलब्ध आहे. धरणात पाणी कमी असले तरी नागरिकांनी तहान भागेल इतका पाणीसाठा धरणात आहे. मात्र तांत्रिक कारणांमुळे नागरिकांना पाण्यासाठी भटकंती करावी लागत असल्याचे चित्र सध्या जिंतूरमध्ये पाहण्यास मिळत आहे.   

परभणी (Parbhani) जिल्ह्यातील येलदरी धरणातून परभणी शहरासह जिंतूरला पाणी पुरवठा होतो. पण धरणात कमी पाणी असल्याने व सततच्या तांत्रिक बिघाडामुळे जिंतूर शहराला पंधरा ते वीस दिवसांनी पाणी येते. तर ह्याच (Yeldari dam) धरणातून परभणी शहराला पाणी पुरवठा कमी दाबाने होतो. कधी विजेची समस्या तर कधी मोटार बिघाड व प्रशासनाचे ढिसाळ नियोजनामुळे धरणात पाणी असून नागरिकांना पाण्यासाठी भटकंती करावी लागत आहे. 

विहिरी कोरड्या 

जिंतूर (Jintur) तालुक्यातील ब्राम्हणगाव, चारठाणा, कोसडी, बोरी झरी येथे बोर, विहरी आटल्याने ग्रामस्थांना भटकंती करावी लागत आहे. टँकरने कोरड्या विहरीत पाणी टाकून ग्रामस्थांना पाणी घ्यावे लागत आहे. सद्यस्थितीत जिंतूर शहराला तर तालुक्यात पन्नास टँकरने पाणी देण्यात येत असून भविष्य काळात पाऊस पडला नाही. तर भीषण परिस्थितीचा सामना करावा लागणार आहे.