पनवेल : पनवेलमधील टॉवरवाडी या आदिवासी पाड्यामधील अल्पवयीन मुलगी आणि वीस वर्षीय युवकाचा मृतदेह आढळून आला आहे. दोघांनी प्रेम प्रकरणातून टोकाचे पाऊल उचलल्‍याचे सांगितले जात आहे. (Maharashtra News)

पनवेलमधील टॉवरवाडी परिसरातील आदिवासी पाड्यामधील सदर मुलगी व युवक आहे. मुलगी 16 वर्षाची आणि युवक 20 वर्षाचा असून, ते दोघेही दोन दिवसांपासून बेपत्ता होते. दरम्‍यान आज गावा शेजारील जंगलात ते बेशुद्ध अवस्थेत आढळून आले आहेत. त्‍यांना ग्रामीण रुग्णालयात (Hospital) नेले असता डॉक्‍टरांनी मृत घोषित केले.

विरोध असल्‍याने टोकाचे पाऊल

दोघांचेही एकमेकांवर प्रेम होते. मात्र त्‍यांच्‍या प्रेमाला घरच्यांचा विरोध होता. या विरोधातूनच दोघांनी टोकाचे पाऊल उचलल्याचा प्राथमिक अंदाज व्‍यक्‍त केला जात आहे. याबाबत पनवेल तालुका पोलीस ठाण्यात गुन्हा दाखल केला असून पुढील तपास सुरू आहे.