सिद्धेश म्हात्रे

Panvel News : पनवेलमधून धक्कादाययक घटना समोर आली आहे. पनवेलमधील एक इमारतीच्या 8 व्या मजल्यावरून पडून एका 20 वर्षीय तरुणीचा मृत्यू झाल्याची घटना घडली आहे. या घटनेने परिसरात एकच खळबळ उडाली आहे. रोज मेरी निरिश असे मृत तरुणीचे नाव आहे. (Latest Marathi News)

मिळालेल्या माहितीनुसार, पनवेलमधील (Panvel) इंडिया बुल्स येथील अष्टर सोसायटी मधील इमारतीच्या 8 व्या मजल्यावरून पडून एका २० वर्षीय तरुणीचा मृत्यू झाल्याची घटना घडली आहे. रोज मेरी निरिश असे मृत २० वर्षीय तरुणीचे नाव आहे.

कोनगाव समोरील इंडिया बुल्स मधील अस्टर इमारतीत 8 व्या मजल्यावर एक तरुणासोबत राहत होती. मेरी ही अमित युनिव्हर्सिटी फॅशन डिझायनिंग च्या दुसऱ्या वर्षात शिकत होती, तर तिचा मित्र फोटोग्राफीचा कोर्स करत आहे.

नेमकं काय घडलं?

पनवेलमधील इंडिया बुल्स येथील अष्टर सोसायटी मधील इमारतीत रोज मेरी निरिश मित्रासोबत राहत होती. मेरी ही अमित युनिव्हर्सिटी फॅशन डिझायनिंग च्या दुसऱ्या वर्षात शिकत होती तर तिचा मित्र फोटोग्राफीचा कोर्स करत आहे.

रविवारी सकाळी ११ वाजता मेरी इमारतीच्या बाल्कनीमधून खाली पडली. त्याचवेळी बाजूला असलेल्या सुरक्षा रक्षक आणि इमारतीतील नागरिकांना याची माहिती मिळताच त्यांनी तिला तात्काळ पनवेल मधील उपजिल्हा रुग्णालयात दाखल केले .मात्र, डोक्याला जबर दुखापत झाल्याने डॉक्टरांनी मेरीला मृत घोषित केले. या प्रकरणी पोलीस (Police) अधिक तपास करत आहे.