Vitthal Rukmini Mandir Pandharpur : पंढरपूरच्या विठ्ठल रुक्मिणी मंदिरात हिंदीमध्ये पूजा घातल्याचा दावा करण्यात आला आहे. राहुल सातपुते नावाच्या व्यक्तीने सोशल मीडियावर पोस्ट करत हा दावा केला आहे. जवळपास ३० ते ३५ मराठी कुटुंब असताना फक्त एका कुटुंबासाठी हिंदीत पूजा घातल्याचा दावा करण्यात आला आहे. या संदर्भात राहुल सातपुते यांनी पंढरपूर मंदिर समितीकडे तक्रार दाखल केली आहे. 'या प्रकरणाचा तपास करु तसेच मंदिरात मराठीतूनच पूजा घातली जाईल' असे स्पष्टीकरण पंढरपूर मंदिर समितीकडून देण्यात आले आहे.

तपासानंतर विठ्ठल रुक्मिणी मंदिर प्रशासनाने हे आरोप फेटाळल्याची माहिती समोर आली आहे. विठ्ठल रुक्मिणी मंदिरात सर्व पूजा या संस्कृत आणि मराठी या भाषांमधूनच होत असल्याचे स्पष्टीकरण मंदिर समितीने दिले आहे.