Pandhapur News Saam tv
महाराष्ट्र

Pandharpur : पांडुरंग पावला; पंढरपुरात स्वच्छतेचं काम करणारी महिला झाली लखपती

Pandhapur News : शहरातील अनेक लोकांकडे शौचालय स्वच्छतेच काम करून यातून मिळेल त्या पैशातून कुटुंबाचा उदरनिर्वाह करतात. अर्थात हातमजुरीवर काम करून घरखर्च भागवून पोट भरत आहेत

Rajesh Sonwane

पंढरपूर : पिढ्यानपिढ्या करत आलेले स्वच्छतेच काम करून कुटुंबाचा उदरनिर्वाह करणारी महिला रातोरात लखपती झाली आहे. पंढरपुरातील मेहतर समाजातील या गरीब महिलेला तब्बल २१ लाख रुपयांची लाॅटरी लागली आहे. लॉटरी लागल्यानंतर साक्षात पांडुरंग पावला असल्याची भावना मनिषा वाघेला या लॉटरी विजेत्या महिलेने व्यक्त केली आहे.

स्वच्छतेची कामे करणारा मेहतर समाज पंढरपुरात गेल्या अनेक वर्षापासून वास्तव्यास आहे. या समाजातील महिला व पुरुष पंढरपूर शहरात स्वच्छतेची काम करतात. त्यानुसार मनीषा वाघेला या देखील शहरातील अनेक लोकांकडे शौचालय स्वच्छतेच काम करून यातून मिळेल त्या पैशातून कुटुंबाचा उदरनिर्वाह करतात. अर्थात हातमजुरीवर काम करून घरखर्च भागवून पोट भरत आहेत. 

दर्शनासाठी गेली असता काढले लॉटरी तिकीट 

दरम्यान मनीषा वाघेला यांचे पंढरपुरात मेहतर गल्लीमध्ये दहा बाय दहाचे पत्र्याचे घर आहे. घरात अठरा विश्व दारिद्र्य असल्याने त्या स्वच्छतेची काम करून आपल्या कुटुंबाचा उदरनिर्वाह करतात. त्यांनी अलीकडेच पंढरपुरातील चौफाळा येथील गणेश मंदिरात दर्शनासाठी गेल्या होत्या‌. यावेळी त्यांनी सहज म्हणून शेजारीच असलेल्या लॉटरी केंद्रातून पन्नास रुपयांना २१ लाख रुपये किंमतीचे लॉटरीचे तिकीट खरेदी केले होते.

पैशातून घर आणि मुलांचे शिक्षण 

सहज म्हणून तिकीट काढले. तर ध्यानीमनी नसताना त्यांना २१ लाख रुपयांची लॉटरी लागली. लाॅटरी लागल्याचे कळताच पांडुरंग पावला अशी भावना त्यांनी व्यक्त केली आहे. मिळालेल्या पैशातून एक छोटेसे घर खरेदी करणार आणि मुलांना चांगले शिक्षण देणार असा  मनोदय मनीषा वाघेला यांनी व्यक्त केला आहे. 

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Shivani Rangole: टिव्हीतल्या 'मास्तरीणबाई' चं सौंदर्य लाखात एक, फोटोंवर लाईक्स

Maharashtra Live News Update: खराडी पार्टीवर केलेली कारवाई राजकीय दृष्टिकोनातून करण्यात आली नाही ना? - रोहित पवार

Shocking: पोहण्यासाठी धरणात उडी मारली, परत बाहेर आलेच नाहीत; ४ जिवलग मित्रांचा मृत्यू

Shahapur : माता न तू वैरिणी! पोटच्या तीनही मुलींना आईनेच दिले जेवणातून विष; मुलींचा मृत्यू

Mhada: मुंबईतील म्हाडाच्या अधिकाऱ्याच्या पत्नीची आत्महत्या; आलिशान फ्लॅटमध्ये आयुष्याचा दोर कापला

SCROLL FOR NEXT