पंढरपुर : सोलापूर जिल्ह्यात दूध दराच्या प्रश्वारून शेतकरी (Farmer) आक्रमक झाले आहेत. असे असतानाच आता रयत क्रांती संघटनेने पालकमंत्री राधाकृष्ण विखे पाटील (Radhakrishna Vikhe Patil) यांना थेट इशारा दिला आहे. (Latest Marathi News)

आगामी काळात सोलापूर (Solapur) जिल्ह्यातील दूध दाराचा प्रश्न‌ पेटण्याची शक्यता आहे. सध्या सोलापूर जिल्ह्यातील खासगी दूध संघानी प्रती लिटर पाच ते सहा रूपये दर कमी केले आहेत. दूध दर कमी केल्याने दूध उत्पादक शेतकरी व विविध शेतकरी संघटना आक्रमक झाल्या आहेत.

दररोज 50 लाखाचा फटका

मागील तीन ते चार दिवसांपासून सोलापूर जिल्ह्यात दूध दरावरून आंदोलन सूरू आहे‌. यामध्ये आता रयत क्रांती संघटनेने उडी घेतली आहे. खासगी दूध संघाकडून शेतकर्यांची आर्थिक पिळवणूक केली जात आहे. दररोज किमान 50 लाख रूपयांचा फटाका दूध उत्पादक शेतकऱ्यांना सहन करावा लागत आहे.

विखे पाटलांना इशारा

गाईच्या दूधाला किमान प्रती लिटर 40 रूपये व म्हशीच्या दूधाला 70 रूपये भाव द्यावा. यासाठी पालकमंत्री तथा पशू व दूग्ध मंत्री राधाकृष्ण विखे पाटील यांनी तातडीने बैठक घेऊन हा प्रश्न सोडवावा. अन्यथा येत्या 25 मे नंतर दूग्ध मंत्री राधाकृष्ण विखे पाटील यांना सोलापूर जिल्ह्यात फिरू देणार. शिवाय एक दूधाचा टॅंकर बाहेर पडू दिला जाणार नाही; असा इशारा रयत क्रांती संघटनेचे प्रदेश कार्याध्यक्ष दीपक भोसले यांनी आज येथे दिला.