पंढरपूर : पंढरपुरात आल्यानंतर छगन भुजबळ यांनी मनोज जरांगे पाटील यांच्यावर (Chagan Bhujbal) तोंडसुख घेवू नये. अन्यथा त्यांचे चप्पलीने स्वागत करू: असा थेट इशारा मराठा क्रांती मोर्चाचे (Maratha Kranti Morcha) राज्य समन्वयक रामभाऊ गायकवाड यांनी दिला आहे. (Tajya Batmya)

मराठा आरक्षणावरून मनोज जरांगे पाटील व छगन भुजबळ यांच्यात शाब्दिक वार सुरु आहेत. दरम्यान येत्या ६ जानेवारीला पंढरपूरमध्ये (Pandharpur) ओबीसी नेते छगन भुजबळ यांच्या उपस्थितीत ओबीसी समाज मेळावा होणार आहे. या मेळाव्याच्या पार्श्वभूमीवर रामभाऊ गायकवाड यांनी छगन भुजबळ यांना हा इशारा दिला आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

भुजबळ यांचं आम्ही गुलाबाचा हार घालून स्वागत करू, पण त्यांनी पंढरपुरात आल्यानंतर मनोज पाटील आणि इतर मराठा समाजाच्या नेत्यांवर तोंडसुख घेवून टिका करण्याचे टाळावे. अन्यथा गुलाबाचा हार नव्हे तर आम्ही चप्पलीने स्वागत करण्यास मागेपुढे पाहणार नाही; असा गंभीर इशारा ही गायकवाड यांनी दिला आहे.