पंढरपूर : माढा लोकसभा मतदार संघात भाजपकडून कोणत्याही उमेदवाराचे नाव अद्याप निश्चित झालेले नाही. (Pandharpur) तिन्ही पक्षाचे प्रमुख नेते बसून उमेदवार निश्चित करतील; असे विधान ही संसदीय कार्यमंत्री चंद्रकांत पाटील (Chandrakant Patil) यांनी आज पंढरपुरात केले. (Maharashtra News)

माढा लोकसभा मतदारसंघात विद्यमान खासदार रणजितसिंह निंबाळकर आणि (BJP) भाजपचे नेते धैर्यशील मोहिते पाटील यांच्यामध्ये सुरू असलेल्या अंतर्गत वादावर भाजपचे मंत्री चंद्रकांत पाटील यांनी वक्तव्य केले आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

लोकसभा निवडणुकीची भाजपकडून जोरदार तयारी सुरू करण्यात आली आहे. राज्यातील सर्व ४८ लोकसभा मतदारसंघाचा सर्वे पूर्ण झालेला आहे. तथापी राज्यातील कोणत्याही लोकसभा मतदार संघातील उमेदवारांच्या नावाचा निर्णय अद्याप झालेला नाही. तिन्ही पक्षाचे प्रमुख नेते बसून लवकरच उमेदवारीचा निर्णय घेतील; अशी माहिती संसदीय कार्यमंत्री चंद्रकांत पाटील यांनी दिली.

अकलूजच्या मोहिते पाटलांच्या नाराजीकडे लक्ष वेधले असता, माढ्यात उमेदवारीवरून निर्माण झालेला तिढा राज्याचे भाजपाचे नेते देवेंद्र फडणवीस हे सोडवतील. माढ्यातील उमेदवाराचे नाव अद्याप निश्चित झालेले नाही. त्यामुळे मोहिते पाटलांची काही प्रमाणात नाराजी असेल, तर त्यावरही पक्षातील प्रमुख नेते एकत्रित बसून मार्ग काढतील असे आश्वासन ही मंत्री चंद्रकांत पाटील यांनी दिले.