पंढरपूर : गरीबांचा देव अशी ओळख असलेल्या पंढरपूरच्या विठुरायाची श्रीमंती वाढू लागली आहे. कार्तिकी यात्रेदरम्यान (Kartiki Yatra) दर्शनासाठी आलेल्या भाविकांनी विठुरायाच्या खजिन्यात सोने- चांदीच्या दागिन्यांसह रोख रकमेचे भरभरुन दान टाकले आहे. (Pandharpur) यात्रा काळात मंदिर समितीला ४ कोटी ७७ लाख रुपयांचे भरघोस असे उत्पन्न मिळाले आहे. (Tajya Batmya)

कार्तिकी यात्रेचा सोहळा नुकताच मोठ्या भक्तीभावाने लाखो वारकऱ्यांच्या उपस्थितीत पार पडला. या सोहळ्यासाठी विविध राज्यातून लाखो भाविक पंढरीत विठ्ठल रुक्मिणीच्या दर्शनासाठी आले होते. यात्रा (Kartiki Ekadashi) काळात भाविकांनी विठुरायाच्या दानपेटीत भरभरून दान अर्पण केले आहे. १४ ते २८ नोव्हेंबर दरम्यानच्या यात्रा काळात विठ्ठल मंदिर समितीला देणगी, लाडूप्रसाद, भक्तनिवास, महानैवद्य, मोबाईल लाॅकर, ऑनलाईन देणगी, सोन-चांदी भेट, विधी उपचार, महावस्त्र व फोटो विक्री आदींमधून ४ कोटी ७७ लाख २१ हजार रुपयांचे उत्पन्न मिळाले आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

गतवर्षीपेक्षा दीड कोटी अधिक दान 

गतवर्षीच्या कार्तिकी यात्रेमध्ये मंदिर समितीला ३ कोटी २० लाख रुपयांचे उत्पन्न मिळाले होते. तुलनेने यंदाच्या कार्तिकीमध्ये तब्बल १ कोटी ५६ लाखांची भरघोस अशी वाढ झाली आहे. यात्रा काळात भाविकांचे पदस्पर्श दर्शन सुलभ व्हावे; यासाठी दर्शनबारीची चांगली सोय केली होती. त्यामुळे यंदाच्या वारीत ३ लाख ४० हजार ४७८ भाविकांनी दर्शन रांगेतून विठुरायाचे पदस्पर्शन घेतले.