Kartiki Ekadashi 2023: पंढरपुरात भाविकांची मांदियाळी; १ लाख भाविकांनी घेतले विठुरायाचे मुख दर्शन

पंढरपूर : कार्तिकी एकादशीनिमित्ताने पंढरपुरात भाविकांची मांदियाळी पाहण्यास मिळाली. पंढरपुरात (Pandharpur) दाखल भाविकांनी कार्तिकी एकादशी (Kartiki Ekadashi) आणि आजच्या द्वादशीला दुपारपर्यंत सुमारे एक लाख ७ हजार भाविकांनी विठुरायाचे मुख दर्शन घेतले. तर ५२ हजार भाविकांनी पदस्पर्श दर्शन घेतले. (Breaking Marathi News)

कार्तिकी एकादशीच्या दिवशी पंढरपुरात भक्तीचा महापूर आला होता. यंदाच्या कार्तिकी सोहळ्यासाठी (Kartiki Yatra) राज्यभरातून सुमारे पाच लाखांहून अधिक भाविक पंढरपुरात दाखल झाले होते. शासकीय महापूजे दरम्यान मुखदर्शन सुरू ठेवण्यात आले होते. सुमारे एक लाख सात हजार भाविकांनी मुख दर्शन घेतले. सरासरी एक मिनिटामध्ये ३५ भाविकांनी देवाचे पदस्पर्श दर्शन घेतले. वारी काळात भाविकांची संख्या मोजणीसाठी काऊंटींग सीसीटीव्ही कॅमेरे बसविण्यात आले आहेत. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

विना त्रास दर्शनाचा लाभ 

विठ्ठलाच्या पदस्पर्श दर्शनाची रांग गोपाळपूर रोडवरील पत्राशेडपर्यंत गेली होती. दर्शन रांगेचे दहा पत्रा शेड भाविकांनी भरले होते. दर्शन रांगेत गर्दी असतानाही यंदा भाविकांचे  सुलभ दर्शन झाले. दर्शन रांगेत यंदा मंदिर समितीने भाविकांसाठी विश्रांती कक्ष व बसण्यासाठी खुर्च्यांची व्यवस्था केली होती. त्यामुळे विना त्रास भाविकांना दर्शनाचा लाभ घेता आला. मंदिर समिती आणि प्रशासनाने उत्कृष्ट नियोजन केल्यामुळे एकादशीच्या दिवशी अधिकाधिक भाविकांना देवाच्या दर्शनाचा लाभ घेता आला; अशी माहिती मंदिर समितीचे सहअध्यक्ष गहिनीनाथ महाराज औसेकर यांनी आज दिली.