पंढरपुरात थरकाप उडवणारा हत्याकांड घडला आहे. एका रिक्षाचालकाची किरकोळ वादातून निर्घुणपणे हत्या करण्यात आली आहे. हत्या केल्यानंतर मारेकऱ्यांनी त्याचे पाय घराच्या दरवाजाला अडवले. दरम्यान अशा भयानक हत्याकांडाच्या घटनेने परिसरात मोठी दहशत निर्माण झाली आहे. हत्येच्या घटनेनंतर पंढरपूर शहर पोलीस घटनास्थळी दाखल झाले असून पुढील तपास सुरू आहे.

हाती आलेल्या माहितीनुसार,रोहित मधुकर कोरे असे हत्या झालेल्या रिक्षा चालक तरुणाचे नाव आहे. या तरुणाचा मृतदेह पंढरपूर येथील रेल्वे ट्रॅक वरती छिन्नविछिन्न अवस्थेत आढळून आला. रोहित मधुकर कोरे रिक्षा पंढरपूर शहारत रिक्षा चालवत होता. त्याचा काही जणांशी दारू पिऊन किरकोळ वाद झाला होता. या वादातून त्याची हत्या झाली असल्याचा संशय आहे. रेल्वे पोलिसांनी आधी बेवारस मृतदेह म्हणून त्याचा पंचनामा केला होता. मात्र तरुणांच्या घरावर त्याचा पायाचा तुकडा आढळून आल्याने रेल्वे रूळावर आढळून आलेला मृतदेह हा रोहितचा असल्याचे समोर आले.