पंढरपूरमध्ये कॉरिडॉर करण्यासाठी मुख्यमंत्री देवेंद्र फडणवीस आग्रही आहेत. मात्र तेथील काही नेत्यांचा विरोध होत असल्यानं कॉरिडॉरच्या कामाला वेग मिळत नाहीये. दोन दिवसांपूर्वी पंढरपूर नगरपालिकेच्या सर्वसाधारण सभेत सत्ताधारी शिवसेना आणि भाजपच्या नगरसेवकांनी कॉरिडॉरच्या विषयाला स्थगिती दिल्याचा ठराव मंजूर केला. या ठरावामुळे कॉरिडॉरच्या कामाला ब्रेक लागल्याची चर्चा सुरू झालीय. विशेष म्हणजे हा मुख्यमंत्र्यांच्या महत्त्वकांशी प्रकल्पांपैकी एक आहे. दरम्यान कॉरिडॉरला स्थगिती देताच राज्य सरकारने एक ऐतिहासिक निर्णय घेतलाय. खुद्द मुख्यमंत्री देवेंद्र फडणवीस यांनी पंढरपूर शहरातील नऊ विविध ऐतिहासिक मठ-मंदिरांचे जतन आणि संवर्धनासाठी 35 कोटी रुपयांचा निधी मंजूर केलाय.