पालघर : भाड्याने घेतलेल्या कार चालकाची हत्या करत मृतदेह त्र्यंबकेश्वरच्या आंबोली घाटात फेकून कार घेऊन पसार झाले होते. यातील (Crime News) तीन पैकी दोघांना अटक करण्यात पालघर (Palghar) पोलिसांना यश आले आहे. (Breaking Marathi News)

पाच दिवसांपूर्वी पालघरमधील कार चालक आसिफ याची कार भाड्यावर घेऊन तीन आरोपींना घेवून नाशिकसाठी निघाले होते. मात्र रस्त्यातच या आरोपींनी चालकाची हत्या करून त्याचा मृतदेह त्र्यंबकेश्वरच्या आंबोली घाटात फेकला. हा प्रकार समोर आल्यानंतर कुटुंबीयांनी दिलेल्या फिर्यादीनंतर पालघर पोलिसांत तक्रार दाखल केली होती. 

दोन आरोपी ताब्यात 

पोलिसांनी सूत्र हलवत आरोपींचा शोध घेतला. यातील पहिल्या आरोपीला ओडिसातून ताब्यात घेतले. तर दुसऱ्या आरोपीला महाराष्ट्रात चालत्या ट्रेनमधून अटक केली. या प्रकरणात तिसऱ्या आरोपीचा शोध पोलिसांकडून सुरू असून आर्टिका कार देखील ताब्यात घेण्यात आली आहे.