नागपूर : संरक्षण संशोधन आणि विकास संस्थेचे (DRDO) संचालक व वरिष्ठ शास्त्रज्ञ प्रदीप कुरुलकर  (Pradeep Kurulkar)  एटीएसने अटक केली आहे. हनी ट्रॅपमध्ये अडकलेल्या प्रदीप कुरुलकर यांनी गोपनिय माहिती पाकिस्तानला पुरवल्याची बाब समोर आली होती. आता कुरुलकर यांच्यानंतर आता हवाई दलातील एका कर्मचाऱ्यालाही हनी ट्रॅपमध्ये अडकवण्याचा प्रयत्न झाला आहे.

निखिल शेंडे असं या हवाई दल कर्मचाऱ्याचं नाव आहे. पाकिस्तानी गुप्तचर यंत्रणेने हनी ट्रॅपमध्ये अडकवण्याचा प्रयत्न केला आहे. नागपूरच्या शांतीनगर परिसरात राहणारा निखिल शेंडे नॅशनल लेव्हलचा धावपटू आहे. (Latest Marathi News)

निखिलने २०११ व १२ मध्ये अखिल भारतीय आंतर विद्यापीठ क्रॉस कंट्री स्पर्धेत नागपूर विद्यापीठाचे प्रतिनिधित्व केले होते. २०११ मध्ये त्याने नागपूर विद्यापीठाच्या आंतर महाविद्यालयीन क्रॉस कंट्री स्पर्धेत एम. के. उमाठे व मोखारे महाविद्यालयाचे प्रतिनिधित्व करताना चौथा क्रमांक पटकावला होता.

तर २०१२ मध्ये बुटीबोरी येथील शरदचंद्र पवार महाविद्यालयाचे प्रतिनिधित्व करताना अव्वल स्थान मिळवले होते. २०१५ मध्ये तो एअरफोर्समध्ये ‘स्पोर्ट्स कोटा‘ अंतर्गत रुजू झाला होता.