कैलास चौधरी

उस्मानाबाद - मांडूळाची Mandul तस्करी करणाऱ्या टोळीला उस्मानाबादच्या Osmanabad स्थानिक गुन्हे शाखेने रंगेहात पकडले आहे. अतिशय दुर्मिळ आशा मांडूळ जातीच्या सापाच्या तस्करीविषयी पोलिसांना गोपनीय माहिती मिळाली होती. या माहितीच्या आधारे उस्मानाबाद-औरंगाबाद Aurangabad रोडच्या जवळ सापळा रचत पोलिसांनी Police ही कारवाई केली आहे.

हे देखील पहा -

यामध्ये सहा जणांना अटक करण्यात आली असून त्यांच्याकडून एक साडेतीन किलो वजनाचे चाळीस लाख रुपये किंमतीचे एक मांडूळ व एक जुनी वापरतील एर्टीगा गाडी असा एकूण सत्तेचाळीस लाख रुपयांचा मुद्देमाल जप्त करण्यात स्थानिक गुन्हे शाखेला यश आले आहे. यामध्ये वन्यजीव प्राणी संरक्षण अधिनियमानुसार या टोळीतील आरोपींविरुद्ध आनंद नगर पोलीस ठाण्यात गुन्हा नोंदविण्यात आला आहे. याप्रकरणी पुढील तपास केला जात आहे.

Edited By - Shivani Tichkule