Maharashtra Rain Alert: राज्यात उशिरा दाखल झालेला मान्सून आता महाराष्ट्रात सर्वत्र दाखल झाला आहे. गेल्या दोन दिवसात राज्यात दमदार पावसाने हजेरी लावली असून अनेक जिल्ह्यांत मुसळधार पाऊस झाल्याचे दिसून येत आहे. यातच आता हवामान खात्याने मान्सूनबाबत महत्त्वाचे अपडेट्स दिले आहेत.

राज्यात 27 जून म्हणजेच मंगळवारी ऑरेंज अलर्ट जारी करण्यात आला आहे. त्यामुळे नागरिकांना पावसाचा अंदाज घेऊनच बाहेर पडण्याच्या सूचना देण्यात आल्या आहेत. हवामान खात्याच्या अंदाजानुसार येत्या २४ तासांत नाशिक आणि पश्चिम महाराष्ट्रात मुसळधार पावसाची शक्यता आहे.

मराठवाड्यातही सरासरीपेक्षा जास्त पाऊस पडेल, असा इशारा हवामान खात्याने दिला आहे. हवामान खात्याने दिलेल्या माहितीनुसार, अरबी समुद्रात कमी दाबाचा पट्टा निर्माण झाल्यामुळे 27 आणि 28 जून रोजी राज्यात ऑरेंज आणि यलो अलर्ट असेल, तर कोकणात मुसळधार पावसाची शक्यता वर्तवण्यात आली आहे. यात मध्य महाराष्ट्र आणि विदर्भातील काही महत्त्वाचे भाग आहेत. (Latest Marathi News)

दरम्यान, 29 आणि 30 जून रोजी महाराष्ट्रात मुसळधार पाऊस पडेल, असं सांगण्यात आलं आहे. मात्र यादिवशी मुसळधार पावसाचा इशारा देण्यात आलेला नाही.