Safran Project  Saam TV
महाराष्ट्र

Safran Project : नागपूरचा सॅफ्रन प्रोजेक्ट हैदराबादला जाणार, विरोधक शिंदे-फडणवीस सरकारवर बरसले

सॅफ्रन प्रोजेक्ट हैदराबादला गेल्याने विरोधकांनी संताप व्यक्त केला आणि सरकारला धारेवर धरलं आहे.

साम टिव्ही ब्युरो

मुंबई : वेंदाता फॉक्सकॉन, बल्क ड्रग पार्क, टाटा एअर बस प्रोजेक्ट नंतर आता सॅफ्रन प्रोजेक्ट महाराष्ट्रातून बाहेर जाणार असल्याची माहिती मिळत आहे. विमान आणि रॉकेट बनवणारी फ्रेंच कंपनी SAFRAN प्रथम नागपुरातील मिहानमध्ये येण्यास इच्छुक होती. यामध्ये 1185 कोटींची गुंतवणूक होणार आहे. मात्र हा प्रोजेक्ट हैदराबादला गेल्याने विरोधकांनी संताप व्यक्त केला आणि सरकारला धारेवर धरलं आहे.

याबाबत सुप्रिया सुळे यांनी म्हटलं की, मोठे प्रकल्प राज्याबाहेर जातात, ही गंभीर बाब आहे. पुढच्या वेळेला यापेक्षा मोठा प्रकल्प आणू, असं सांगून लॉलिपॉप दिलं जातंय. तेही प्रकल्प आणा आणि हेही प्रकल्प टिकवा. आम्ही प्रकल्प आणले सांगत त्यांनी यादी दिली. परंतु ते प्रकल्प कुठल्या काळामध्ये आले, हे पाहिलं पाहिजे. जुन्याच प्रकल्पांची यादी देणं हास्यास्पद आहे, असंही सुप्रिया सुळे यांनी म्हटलं. (Latest News )

महाराष्ट्रासाठी हा दुर्दैवी कालखंड आहे. बेरोजगारांची संख्या वाढत आहे. एकामागून एक अनेक प्रकल्प महाराष्ट्राबाहेर जात आहेत. हे सरकार नेमकं कोणासाठी काम करतंय हे कळत नाही, अशी टीका काँग्रेस नेते बाळासाहेब थोरात यांनी केली आहे.

काँग्रेसच्या सतेज पाटील यांनीही सरकारवर निशाणा साधला. राज्यातील गुंतवणुक कमी करणे हा एकच अजेंडा केंद्र सरकारचा आहे. महाराष्ट्राची पिछेहाट करण्याचे षडयंत्र आहे. राज्यात प्रकल्प कसे राहतील यासाठी काम केले पाहिजे. लाखो तरुणांचा रोजगार गेला. यावर आरोप करण्यापेक्षा नव्याने प्रकल्प येण्यासाठी काय करता येईल हे पाहिले पाहिजे, असं सतेज पाटील यांनी म्हटलं.

मनसेचे सरचिटणीन मनोज चव्हाण यांनी याचं खापर सरकारी अधिकाऱ्यांवर फोडलं आहे. सॅफ्रन प्रकल्प का बाहेर गेला याची चौकशी करावी. जागेशी संबंधित विलंबामुळे आणि प्रशासन दिरंगाईमुळे हा प्रकल्प गेला असेल तर याला फक्त सनदी अधिकारी जबाबदार आहेत का याची चौकशी होणे गरजेचे आहे. नेमके शुक्राचार्य कोण आहेत या बाबतीत चौकशी करावी. याआधी सुद्धा महाराष्ट्रात सनदी अधिकाऱ्यांमुळे असाच BMW प्रकल्प राज्याबाहेर गेला, असं चव्हाण यांनी म्हटलं.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Shopping For Ladies: प्रत्येक महिलेने स्वतःसाठी खरेदी करायला हव्या 'या' महत्वाची गोष्ट

Maharashtra Politics: अजित पवारांनी बैठक रद्द का केली? कोणता दलाल आडवा आला? – नाना पटोलेंचा विधानसभेत घणाघात| VIDEO

Pimpri Chinchwad : महापारेषणचा बिघाड; महावितरणच्या ५२ हजार वीजग्राहकांना फटका, पिंपरी परिसरात रात्रीपासून अंधार

Maharashtra Live News Update : चार्जरच्या वायरनं नवऱ्याने केला बायकोचा खून, नवऱ्याने स्वत:लाही संपवलं

Political News : 'शिवतीर्थ, मातोश्री लांब राहिलं, आधी...'; वसंत मोरे यांचं खासदार दुबे यांना ओपन चॅलेंज

SCROLL FOR NEXT