Jalna Crime News : जालना जिल्ह्यात किराणा दुकानदारास एकाने पैशाची मागणी केली. दुकानदाराने पैसे न दिल्याने संबंधिताने दुकानदारावर गोळीबार केल्याची घटना घडल्याचे समाेर आले आहे. या गोळीबारात दुकानदार गंभीर जखमी झाला आहे. त्याच्यावर रुग्णालयात उपचार सुरु आहेत. या प्रकरणी एकास पोलिसांनी ताब्यात घेतलं आहे. (Jalna Latest Marathi News)

जालन्यातील (jalna) कुंभार पिंपळगाव येथे ही घटना घडली. दुचाकीवरून आलेल्या अज्ञातांनी एका किराणा दुकानदारावर गोळीबार केल्याची माहिती समोर आली आहे. या प्रकरणी एका संशयिताला पोलिसांनी चौकशीसाठी ताब्यात घेतल आहे. (Breaking Marathi News)

आदेश चांडक असं गोळीबार झालेल्या दुकानदाराचं नाव असून या गोळीबारात ते जखमी झालेत. त्यांच्यावर सध्या शासकीय रुग्णालयात (hospital) उपचार सुरु आहेत. दुचाकीवरून आलेल्या अज्ञातांनी आदेश यांच्याकडे पैशाची मागणी केली हे पैसे देण्यास आदेश यांनी नकार देताच हल्लेखोरांनी त्यांच्यावर गोळीबार केला. यात त्यांच्या हाताला दुखापत झाली. या घटनेनंतर उपविभागीय पोलीस अधिकारी, पोलीस निरीक्षक यांनी घटनास्थळी जाऊन पंचनामा केला असून चौकशीसाठी एका संशयिताला पोलिसांनी ताब्यात घेतलंय. या प्रकरणी पोलीस अधिक तपास करतायत.

Edited By : Siddharth Latkar