अक्षय बडवे, साम प्रतिनिधी

ग्रामदैवत जगदंबा देवीच्या यात्रे निमित्ताने भरवलेल्या कुस्ती स्पर्धेत पुण्यातील कुख्यात गुंड निलेश घायवळ याच्यावर हल्ला झाला. या हल्ल्याचा आणखी एक व्हिडिओ व्हायरल झालाय. आंदरुड येथे ग्रामदैवत जगदंबा देवीच्या यात्रेदरम्यान कुस्तीचे सामने होत होते. त्यावेळी निलेश घायवळवर हल्ला झाला. या मारहाणीचा आणखी एक व्हिडिओ व्हायरल झालाय. यात हल्ला करणारा व्यक्ती स्पष्टपणे दिसतोय. प्रेक्षकांना अभिवादन करत असलेल्या कुख्यात गुंड निलेश घायवळला कानशिलात लगावता दिसतोय.

स्पर्धा चालू होण्यापूर्वी घायवळ पैलवान यांना भेटायला गेला असता त्याच्यावर एका तरुणाने कानशिलात लगावली. हल्ला करणारा अहिल्यानगर जिल्ह्यातील जामखेड गावचा पहिलवान असल्याची माहिती समोर आलीय. हल्ला करणाऱ्या तरुणाला निलेश घायवळच्या कार्यकर्त्यांनी मारहाण केली. मात्र हल्ला करणारा तरुण घटनास्थळावरून पसार झाला.

कुस्त्याची दंगल रंगणार होता, सर्व चाहते पैलवानाची लढत पाहण्यास उत्सुक होते. दोन मल्ल अंगाला माती लावून लढतीसाठी स्वत:ला तयार करत होते. सामने पाहण्यासाठी आलेल्या पाहुण्याचं डप वाजून स्वागत केलं जातं होतं. कुख्यात गुंड निलेश घायवळ हा देखील प्रमुख पाहुणा म्हणून कुस्तीच्या फडात आला होता. त्याच डप वाजवून स्वागत केलं जात होतं. फडावर फेरी मारून सर्वांना अभिवादन करत होता.

फेरी पूर्ण करत असताना काळी टोपी घातलेला एक व्यक्ती समोरून हळूहळू चालत घायवळ जवळ येताना दिसतोय. कोणाला काही कळण्याच्या आधी तो घायवळच्या कानशिलात लगावतो. अचानक झालेल्या हल्यामुळे सर्वत्र गोंधळ उडला.

घायवळला कानशिलात लगावणारा सागर मोहोळकर कोण?

आंदरूड येथील यात्रेनिमित्त कुस्तीची स्पर्धा भरवण्यात आली होती. निलेश घायवळनेच ही स्पर्धा आयोजित केली होती. रात्रीच्या वेळी कुस्तीची स्पर्धा सुरू असताना निलेश घायवळ हा पैलवानांना भेटण्यासाठी कुस्तीच्या फडात आला होता. त्यावेळी एका तरुण पैलवानाने निलेश घायवळच्या कानशिलात लगावली. पैलवानाने निलेश घायवळ याला मारल्यानंतर त्याचे सहकारी मदतीला धावून आले.

त्यानंतर निलेशला मारणाऱ्याला त्यांनी चांगलाच चोप दिला पण तो तेथून पळून जाण्यात यशस्वी झाला. सागर मोहोळकर असं हल्ला करणाऱ्या तरुणाचं नाव आहे. तो अहिल्यानगर जिल्ह्यातील नानज गावचा रहिवासी आहे. तो पेशाने पैहलवान असून तो धाराशिव जिल्ह्याच्या भूम तालुक्यातील आंदरुड गावाच्या जत्रेला आला होता.