- अमर घटारे

Amravati News : अमरावती येथील रहिवासी उमेश कोल्हे यांनी नुपूर शर्माने केलेल्या कथित वादग्रस्त वक्तव्याच्या समर्थनार्थ व्हॉट्सअपवर पोस्ट अपलोड केली होती. त्यानंतर उमेश कोल्हे (Umesh Kolhe) यांची हत्या झाली होती. या प्रकरणी सिटी कोतवाली पोलिसांनी ११ संशयितांना अटक केली असून ते सध्या एनआयएच्या ताब्यात आहेत.

या प्रकरणाचा तपास एनएआय ही राष्ट्रीय तपास यंत्रणा करीत आहे. यात मुंबई न्यायालयात एनएआयने आरोपपत्र दाखल केले. यामध्ये बदला घेण्यासाठी संशियत आरोपींनी एक दहशतवादी टोळी तयार करून गुन्हेगारी कट रचल्याचे तपासात निष्पन्न झाले आहे.(Maharashtra News)

गुन्हेगारी कट रचणे, खून करणे, चुकीच्या पद्धतीने आवर घालणे, धर्माच्या आधारावर शत्रुत्व वाढवणे, पुरावे गायब करणे, कोणत्याही प्रार्थनास्थळावर गुन्हा करणे, गुन्हेगारी धमकी देणे, भारतीय दंड संहितेचा समान हेतू या आरोपाखाली दाखल करण्यात आले. संशियत आरोपींवर मृत्युदंड किंवा जन्मठेपेची शिक्षा असलेल्या गुन्ह्यासाठी डिझाइन लपविल्याचा आरोपही ठेवण्यात आला आहे.

तसेच बेकायदेशीर कृत्ये (प्रतिबंध) कायद्याच्या विविध कलमांतर्गत आरोप ठेवण्यात आले आहेत. तसेच सामान्य हेतूने काम करणाऱ्या संशयितांनी शहरातील (amravati) लोकांमध्ये दहशत निर्माण करण्याच्या उद्देशाने उमेश कोल्हे यांची सार्वजनिक परिसरात निर्घृण हत्या केली असा ठपका ठेवण्यात आला.

एनआयएने (nia) एफआयआरमध्ये (fir) असेही नमूद केले आहे की या प्रकरणात राष्ट्रीय आणि आंतरराष्ट्रीय संबंध असू शकतात. एनआयएनुसार आरोपींना धर्माच्या आधारावर शत्रुत्व वाढवायचे होते. भारतातील काही लोकांमध्ये दहशत निर्माण करण्याच्या कटात हत्या केली, असे एजन्सीने म्हटले आहे. या सर्व संशयित आरोपींवर कठोर कारावाई करण्यात यावी अशी मागणी कोल्हे कुटुंबीयांनी केली आहे.

Edited By : Siddharth Latkar