ही सडकछाप भाषा आहे सुसंस्कृत पक्ष अशी ओळख असलेल्या भाजपचे असंस्कृत आमदार गोपिचंद पडळकर यांची.... जयंत पाटील यांच्यावर टीका करताना गोपिचंद पडळकरांनी नेहमीप्रमाणे राजकीय टीकेच्या मर्यादा ओलांडल्यात.. त्यामुळे नवा वादंग निर्माण झालाय...

गोपिचंद पडळकरांच्या वक्तव्याचे राज्यात तीव्र पडसाद उमटलेत.. तर पवारांच्या राष्ट्रवादीने गोपिचंद पडळकरांविरोधात तीव्र निदर्शनं केलीत.गोपिचंद पडळकरांनी जयंत पाटलांविषयी वादग्रस्त वक्तव्य केल्याप्रकरणी आता शरद पवार आक्रमक झालेत...पवारांनी थेट मुख्यमंत्र्यांना फोन करुन पडळकरांच्या वक्तव्याबद्दल नाराजी व्यक्त केलीय..

पवारांनी मुख्यमंत्री फडणवीसांना फोन करुन पडळकरांची टीका योग्य नसल्याचं म्हटलंय.. एवढंच नाही तर पडळकरांसारख्या बेताल वक्तव्य करणाऱ्या नेत्यांना आवरण्याचं आवाहन केलंय.. तर पडळकरांनी केलेल्या वक्तव्याचा निषेध पवारांनी व्यक्त केलाय..

दुसरीकडे पवारांचा फोन आल्यानंतर देवेंद्र फडणवीसांनी गोपिचंद पडळकरांचे कान टोचलेत.... खरं तर गोपिचंद पडळकरांचा बेताल वक्तव्याची मालिका काही नवी नाही... याआधीही गोपिचंद पडळकरांनी वारंवार वादग्रस्त वक्तव्य केलेत...एवढंच नव्हे तर चक्कं महाराष्ट्राच्या विधीमंडळातही हाणामारी करणारे गुंड कार्यकर्तेही याच गोपिचंद पडळकरांचे होते...

अटलबिहारी वाजपेयी, लालकृष्ण अडवाणी, गोपिनाथ मुंडे, प्रमोद महाजन, नितीन गडकरी यांच्यासारख्या नेत्यांमुळे भाजपची सुसंस्कृत पक्ष अशी ओळख आहे....मात्र टपोरी गुंडापुंडाकडून गावच्या पारावर वक्तव्य करावीत अशी महाराष्ट्राच्या सुसंस्कृत राजकारणाची इभ्रत वेशीवर टांगणारी वक्तव्य पडळकर करत आले आहेत... त्यामुळे महाराष्ट्राची राजकीय सुसंस्कृपणा टिकवून ठेवायचा असेल तर भाजपनं अशा वाचाळ आणि मग्रुर नेत्यांना वेळीच आवर घालायला हवा...