Cow Hug Day: १४ फेब्रूवारी हा दिवस देशभरात व्हॅलेंटाईन डे (Valentine Day) म्हणून साजरा केला जातो. तरुणाईमध्ये व्हॅलेंटाईन डे चा मोठा उत्साह पाहायला मिळतो. त्यामुळे या दिवसाची तरुणाई नेहमीच वाट बघत असते.

मात्र यावेळी केंद्र सरकारच्या पशुसंवर्धन, दुग्धव्यवसाय आणि मत्स्यव्यवसाय मंत्रालयाने प्रेमवीरांना सल्ला देत १४ फेब्रुवारी हा दिवस ‘काऊ हग डे’ अर्थात ‘गाईला आलिंगन दिन’ म्हणजेच गाईला मिठी मारून साजरा करावा असे आवाहन केले आहे. त्यासाठी खास पत्रदेखील या विभागाच्या वतीने काढण्यात आले आहे. केंद्र सरकारच्या या निर्णयामुळे वेगवेगळ्या प्रतिक्रिया उमटत आहेत. यावर आता राष्ट्रवादीचे नेते जितेंद्र आव्हाड यांनी जोरदार टीका केली आहे.(Valentine Day)

याबाबत अधिक माहिती अशी की, केंद्र सरकारने व्हॅलेंटाईन डे दिवशी गायिला आलिंगन दिन म्हणून साजरा करण्याच्या केलेल्या आवाहनावर जितेंद्र आव्हाड यांनी जोरदार टीका केली आहे.

याबद्दल बोलताना त्यांनी "नव्या पिढीत असणारे तरुण आणि तरुणी व्हॅलेंटाईन डे साजरा करतात. व्हॅलेंटाईन डे म्हणजे एकमेकांच्या बरोबर असलेली मैत्री, प्रेम भावना. माझी सरकारला एक मागणी आहे एखाद्या चौकात 8 ते 10 गाई आणून ठेवाव्यात," असा टोला राष्ट्र वादी चे नेते जितेंद्र आव्हाड यांनी सरकारला लगावला आहे. Jitendra Awhad)

त्याचबरोबर याबद्दल पुढे बोलताना त्यांनी "तिला मिठी कशी मारायची हे सुद्धा सांगा कारण, मागून मिठी मारली की लाथ मारेल आणि पुढून मिठी मारली तर शिंग मारेल," असा प्रश्न आव्हाड यांनी उपस्थित केला आहे. दरम्यान केंद्र सरकारच्या या आवाहनावर अजित पवारांनीगी टीका केली होती.