- मंगेश भांडेकर

Gadchiroli : गडचिरोलीच्या अहेरी तालुक्यातील वेडमपल्ली जंगलात (vedampally jungle) गडचिरोली पोलिसांचे विशेष अभियान पथक नक्षलविरोधी अभियान राबवत असताना रविवारी चकमक उडाली. या चकमकीनंतर पोलीस दलाने मोठ्या प्रमाणात नक्षल (naxal) साहित्य हस्तगत केले आहे.

पोलिस जवान अभियान राबवत असताना लपून बसलेल्या सुमारे पंचवीस नक्षलवाद्यांनी गोळीबार सुरू केला. प्रत्युत्तरात जवानांनी गोळीबार केला. पोलिसांचा वाढता दबाव पाहून नक्षलवाद्यांनी पळ काढला.

भूमकाल सप्ताहाच्या पार्श्वभूमीवर मोठ्या घातपाताची योजना नक्षलवाद्यांनी आखली होती. मात्र पोलिस दलाने त्यांची ही योजना हाणून पाडली. चकमकीनंतर जंगलात शोध मोहीम राबवली असता एक भरमार बंदूक, एक पिस्टल, एक वाॅकी टाॅकी, चार्जर व इतर साहित्य सापडले. ते सर्व साहित्य पाेलिसांनी (police) जप्त केले. दरम्यान या जंगल (jungle) परिसरात नक्षलविरोधी अभियान तीव्र करण्यात आले आहे. (Maharashtra News)

Edited By : Siddharth Latkar