- अमर घटारे

अमरावती लोकसभा मतदारसंघात खासदार नवनीत राणा यांचा झालेला पराभव भाजपच्या शहराध्यक्षांचा जिव्हारी लागला. शहराध्यक्ष प्रवीण पाेटे यांनी राणा यांच्या पराभवाची नैतिक जबाबदारी स्वीकारत बुधवारी राजीनामा दिला. पाेटेंच्या राजीनाम्यानंतर अमरावती येथील भाजप कार्यकर्त्यांनी आज तातडीची बैठक बाेलावली. त्यानंतरही पाेटे आपल्या भूमिकेवर ठाम राहिलेत.

अमरावती लाेकसभा मतदारसंघात नवनीत राणा यांना पराभवास समाेरे जावे लागले. राणा यांच्या पराभवाची जबाबदारी स्विकारुन भाजपचे शहराध्यक्ष प्रवीण पोटे यांनी आपल्या शहराध्यक्ष पदाचा राजीनामा बुधवारी दिला.

आज अमरावतीत प्रवीण पोटे यांनी राजीनामा मागे घ्यावा यासाठी पोटेंच्या कार्यालयात कार्यकर्ते व पदाधिकाऱ्यांची बैठक झाली. या बैठकीत कार्यकर्ते व पदाधिका-यांनी पोटे यांनी राजीनामा मागे घ्यावा अशा भावना व्यक्त केल्या.

दरम्यान पदाधिकारी व कार्यकर्त्यांच्या भावना लक्षात घेता पाेटे हे राजीनामा मागे घेतील अशी चर्चा सभागृहात हाेती. परंतु बैठकीनंतरही प्रवीण पोटे हे राजीनाम्यावर ठाम राहिले आहेत.

Edited By : Siddharth Latkar