अमरावती : छत्रपती शिवाजी महाराज यांचा पुतळ्या हटवल्याचा राग म्हणून पालिका आयुक्त प्रवीण आष्टीकर यांच्या अंगावर युवा स्वाभिमानच्या कार्यकर्त्यांनी शाईफेक केल्याने आमदार रवी राणांसह कार्यकर्त्यांवर गुन्हे दाखल करण्यात आले होते. मात्र शाईफेक करते वेळी रवी राणा (ravi rana) हे अमरावतीत नव्हते असा दावा खासदार नवनीत राणा यांनी लोकसभेत (loksabha) बोलताना केला आहे. यावेळी राणा (navneet rana) यांनी आपल्या भाषणातून महाराष्ट्र सरकावर राेष व्यक्त केला.

ज्या वेळी घटना घडली त्यावेळी रवी राणा हे विमानप्रवास करत होते. मात्र रात्री मुख्यमंत्री कार्यालयातुन आदेश आल्यावर त्यांच्यावर कलम ३०७ नूसार गंभीर स्वरूपाचा गुन्हा दाखल करण्यात आला. महाराष्ट्र सरकार चुकीचं वागत अशी भावना खासदार नवनीत राणा यांनी लोकसभेत भाषणातून व्यक्त केली.

खासदार नवनीत राणा यांनी ठाकरे सरकार विरोधात जे बोलणार त्यांच्यावर गुन्हे दाखल केले जातात. महाराष्ट्रात संविधानाची हत्या केली जात आहे असा गंभीर आरोपही नवनीत राणा यांनी यावेळा केला.

Edited By : Siddharth Latkar