अक्षय शिंदे, साम टीव्ही, जालना प्रतिनिधी

एक मोठी बातमी समोर आली आहे. ओबीसी नेते लक्ष्मण हाके यांचे सहकारी नवनाथ वाघमारे यांना जिवेमारण्याची मिळाली आहे. वाघमारे यांनी स्वतःला आपल्याला धमकीचे फोन येत असल्याचं म्हटलं आहे.

नवनाथ वाघमारे आणि लक्ष्मण हाके यांच्यावर जालन्यातील एका खाजगी रुग्णालयात उपचार सुरू आहेत. याचदरम्यान, नवनाथ वाघमारे यांनी आपल्याला एका अज्ञात व्यक्तीने फोन करून जिवेमारण्याची धमकी दिल्याचा आरोप केला आहे.

आज वडीगोद्रीतील ग्रामस्थांनी लक्ष्मण हाके आणि नवनाथ वाघमारे यांना पोलीस संरक्षण देण्याची मागणी पोलीस अधीक्षकांकडे केली होती. यावर लक्ष्मण हाके यांनी आपण कोणत्याही धमकीला भीक घालत नसल्याचा म्हटलंय. यापूर्वी आपल्याला अनेक वेळा धमकीचे फोन आले. आंदोलनादरम्यान आपण फोन उचलले नाहीत. मात्र आपण कोणाला घाबरत नसल्याचे त्यांनी म्हटलंय.