Local body Election maharashtra Saam TV News
महाराष्ट्र

Mahayuti : महायुती फुटली? नवी मुंबईत शिवसेनेचं एकला चलो, अमरावतीमध्ये भाजप स्वबळावर

Local body Election maharashtra : महायुतीतील मतभेद समोर आले आहेत. नवी मुंबईमध्ये शिवसेना स्वबळावर, तर अमरावतीमध्ये भाजपने स्वतंत्र निवडणुकीची घोषणा केली आहे. स्थानिक स्वराज्य संस्थांच्या निवडणुकांपूर्वी महायुतीत फूट पडली का?

Namdeo Kumbhar

Navi Mumbai elections, Amravati municipal polls : महाराष्ट्रातील महानगरपालिका निवडणुका सप्टेंबर अथवा ऑक्टोबरमध्ये होण्याची शक्यता आहे. कारण सर्वोच्च न्यायालयाने चार महिन्यांत राज्यातील स्थानिक स्वराज्य संस्थांच्या निवडणुका पूर्ण करण्याचे आदेश दिले आहेत. कोर्टाच्या आदेशानंतर राजकीय पक्षाने निवडणुकीची तयारी जोरात सुरू केली आहे. सत्ताधारी महायुती (भाजप, शिवसेना-शिंदे गट, राष्ट्रवादी-अजित पवार गट) एकत्रितपणे निवडणुका लढवणार असल्याचे देवेंद्र फडणवीस अन् एकनाथ शिंदे यांनी सांगितलेय. पण काही ठिकाणी मैत्रीपूर्ण लढती होऊ शकतात. मुख्यमंत्र्यांनी तयारीवर जोर दिला आहे, तर शिवसेनेने रणनीती आखली आहे. स्थानिक स्वराज्य संस्थांच्या निवडणुकीत महायुती एकमेकांसमोर उभे ठाकण्याची शक्यता आहे. नवी मुंबई आणि अमरावती दोन्ही ठिकाणी भाजप आणि शिवसेनेकडून स्वबळावर लढण्याची तयारी सुरू केली आहे.

शिवसेना शिंदे गटाचे खासदार नरेश मस्के यांनी नवी मुंबईत स्वबळावर लढण्याचे संकेत दिले. तर दुसरीकडे भाजपच्या माजी खासदार नवनीत राणा यांनीही अमरावाती महापालिकामध्ये भाजप स्वबळावर लढणार असल्याचे जाहीर केलेय. त्यामुळे महापालिका निवडणुकीत महायुती एकमेकांसमोर उभे राहणार असल्याचे चित्र दिसतेय.

नवी मुंबईत शिवसेनेचे एकला चलो रे

नवी मुंबई महानगरपालिका निवडणूक स्वबळावर लढवण्याचे संकेत शिवसेनेचे खासदार नरेश म्हस्के यांनी दिले आहेत. तुम्ही आमच्या सोबत आलात तर युती म्हणून निवडणूक लढवू, नाहीतर तुम्ही स्वबळावरची भाषा केली तर आम्ही सुद्धा स्वतंत्रपणे भगवा फडकवण्यासाठी सज्ज आहोत, असा इशारा खासदार नरेश मस्के यांनी भाजपला दिलाय.

नवी मुंबई फक्त दिसायला ताजमहाल आहे, पण प्रत्यक्ष अनेक समस्या आहेत असा टोला सुद्धा नरेश मस्के यांनी गणेश नाईक यांना लगावला आहे. युवा सेनेत जाहीर मेळाव्यात खासदार नरेश मस्के यांनी आपली भूमिका व्यक्त केली.

अमरावतीत भाजपचा स्वबळाचा नारा -

भाजप नेत्या नवनीत राणा यांनी मोठं विधान करत अमरावती महानगरपालिका निवडणुकीत भाजप स्वतंत्रपणे लढणार असल्याची घोषणा केली. त्या म्हणाल्या, "अमरावती महानगरपालिकेवर भाजपचं महापौर बसेल." याप्रसंगी अमरावती भाजप शहर जिल्हाध्यक्षपदी नितीन धांडे यांची नियुक्ती झाली. भाजप कार्यालयात आयोजित पदग्रहण समारंभात नवनीत राणा यांच्यासह पक्षाचे सर्व प्रमुख नेते व पदाधिकारी उपस्थित होते. राणा यांनी कार्यकर्त्यांना एकजुटीने निवडणूक लढण्याचे आवाहन केले. पक्षाने स्थानिक पातळीवर जोरदार तयारी सुरू केली आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Amravati Accident: चिखलदरा पर्यटन स्थळावर मोठा अपघात; ६०० फूट खोल दरीत कोसळली कार

Mahayuti Phone Taping: महायुतीच्या मंत्र्यांचेच फोन टॅप? रोहित पवारांच्या दाव्याने खळबळ

UPI Payment: फुकट UPI व्यवहार बंद होणार? प्रत्येक व्यवहारावर पैसे मोजावे लागणार?

PM Kisan: कधी मिळणार PM किसानचा हप्ता? 20 व्या हप्त्याची प्रतिक्षा कायम, कोणाला नाही मिळणार पैसा?

Bihar Politics: राजकीय वर्तुळात शांतता असताना बिहारमध्ये मोठी घडामोड; माजी सीएमच्या मुलानं थोपटले दंड

SCROLL FOR NEXT