तबरेज शेख 
नाशिक : भाजपाचे विद्यमान आमदारसह राज्यातील इतर आमदारांना विधानसभेची उमेदवारी पाहिजे असेल तर ५० लाख रुपयांची मागणी करण्यात आली होती. पैशांची मागणी करणाऱ्या दोघेही महाविद्यालयीन तरुण नाशिक पोलिसांनी ताब्यात घेतले आहेत. 

सध्या महाराष्ट्रात विधानसभा निवडणुकीचे बिगुल वाजले आहे. सगळ्याच पक्षातून इच्छुकांची संख्या मोठ्या प्रमाणात आहे. याचाच फायदा घेत दोघेही महाविद्यालयीन तरुणांनी सत्ताधारी पक्षाचे (Nashik News) नाशिकचे विद्यमान आमदार यांना आम्ही पीएमओ कार्यालयातून बोलतो आहे. तुम्हाला जर उमेदवारी पाहिजे असेल तर ५० लाख रुपये द्यावे लागतील; असे दूरध्वनी वरून सांगण्यात आले. मात्र विद्यमान आमदारांना शंका आल्याने त्यांनी या संदर्भात नाशिकच्या सरकार वडा पोलीस (Nashik Police) ठाण्यात अज्ञात विरोधात तक्रार दिली होती.  

नगर, ठाण्याच्या आमदारांनाही केला फोन 

सदर घटनेचे गांभीर्य बघता पोलीस आयुक्त यांनी याचा तपास गुन्हे शाखे युनिट एकला दिला होता. गुन्हे शाखेने याचा तपास करत फोन करून पैशांची मागणी करणाऱ्या दोघा तरुणांना दिल्लीहून ताब्यात घेतले आहे. तसेच त्यांच्याकडून माहिती घेतली असता त्यांनी नाशिक शहरात भाजपचे विद्यमान आमदार तसेच नगर आणि ठाणे जिल्ह्यातील सत्ताधारी पक्षाचे आमदारांना फोन केल्याची कबुली दिली आहे.