तबरेज शेख

नाशिक : नाशिक शहर आणि परिसरात घरफोडी करणाऱ्या एका टोळीला (Nashik) नाशिक पोलिसांनी धुळे (Dhule) येथून सापळा रचून अटक केली आहे. या टोळीकडून २१ लाखांचे दागिने आणि मुद्देमाल जप्त करण्यात पोलिसांना यश आले. (Latest Marathi News)

गेल्या काही दिवसांपासून नाशिक शहर आणि परिसरात घरफोडीच्या घटनांत वाढ झाली आहे. याच पार्श्वभूमीवर पोलीस तपास करत असताना धुळे येथील एक टोळी शहरात घरफोडी करत असल्याचे पोलिसांच्या लक्षात आले. शहरातील पंचवटी येथील एक रिक्षा चालक बंद घरांची रेकी करून ती माहिती धुळे येथील मित्रांना देत होता. अंबड पोलिसांनी त्याची चौकशी केली असता पोलिसांनी धुळे येथून काही संशयितांना ताब्यात घेत चौकशी केली.

दागिने, मोबाईल, कारसह मुद्देमाल जप्‍त

या टोळीने शहरात वेगवेगळ्या ठिकाणी घरफोडी केल्याचे उघड झाले. या टोळीकडून सोने, चांदी, कार, मोबाईल, टीव्ही असा एकूण २० लाख ८९ हजारांचा मुद्देमाल जप्त करण्यात आल्याची माहिती (Police) पोलिसांनी दिली.