तबरेज शेख, साम टीव्ही

Nashik News Today: नाशिकमधून एक धक्कादायक घटना उघडकीस आली आहे. एका तरुणाने अल्पवयीन मुलीला पाचमजली इमारतीच्या गच्चीवरून ढकलून दिलं. या घटनेत अल्पवयीन मुलगी गंभीर जखमी झाली. तिला तातडीने रुग्णालयात दाखल करण्यात आलं. मात्र, उपचार सुरू असताना तिचा मृत्यू झाला. याप्रकरणी पोलिसांनी संशयित तरुणाला ताब्यात घेतलं आहे.  (Latest Marathi News)

विनायक सुरेश जाधव (वय १९, रा. घोटी) असे संशयिताचे नाव आहे. त्याला न्यायालयाने सहा जूनपर्यंत पोलिस कोठडी सुनावली आहे. मिळालेल्या माहितीनुसार, मृत विद्यार्थिनी ही इंदिरानगर (Nashik News) परिसरातील रहिवाशी आहे.

काही दिवसांपूर्वी तिची ओळख इन्स्टाग्रामवरून विनायक याच्याशी झाली होती. दरम्यान, बुधवारी (दि. ३१) रात्री विनायक आणि मृत विद्यार्थिनी इंदिरानगर परिसरात बांधकाम सुरू असलेल्या इमारतीवर गप्पा मारत होते.  (Maharashtra Political News)

विनायक आणि तिच्यात वाद (Crime News) झाला. या वादातून त्याने विद्यार्थिनीला पाचव्या मजल्यावरून ढकलून दिलं. या घटनेत विद्यार्थिनी गंभीर जखमी झाली. तिला तातडीने उपचारासाठी रुग्णालयात दाखल करण्यात आलं. मात्र, उपचार सुरू असताना तिचा मृत्यू झाला.

याप्रकरणी अल्पवयीन मुलीच्या वडिलांनी दिलेल्या तक्रारीनंतर पोलिसांनी (Police) विनायक याच्याविरोधात गुन्हा दाखल केला असून त्याला अटक देखील केली आहे. प्रेमप्रकरणातून ही घटना घडली असल्याचा अंदाज पोलिसांनी वर्तवला आहे. या घटनेनं परिसरात मोठी खळबळ उडाली आहे.

Edited by - Satish Daud