अजय सोनवणे 

मनमाड (नाशिक) : घरात कोणी नसल्याची संधी साधत चोरट्यांनी घरात प्रवेश केला. यावेळी घरात असलेल्या दोघा मुलांना या चोरट्यानी नकली बंदुकीचा धाक दाखवत पैशांची मागणी केली. यानंतर मुलांना पळवून नेत पैशांची मागणी केली. मात्र त्याचा डाव फसला. यानंतर गावकऱ्यांनी त्याला पकडत चांगलाच चोप दिला. 

नाशिकच्या (Nashik) सटाणा तालूक्यातील किकवारी शिवारात एक इसम घरी येऊन घरी कोण कोण आहे. याची विचारपूस करीत घराजवळ आला. दरम्यान घरात कोणी नसल्याची खात्री होताच त्याने घरातील दोघा लहान मुलांना नकली बंदुकीचा धाक दाखवत मोबाईल व कपाटातील दागिने चोरण्याचा प्रयत्न केला. तसेच दोघा मुलांना जवळच्या मक्याचा शेतात घेऊन गेला. तेथून घरातून चोरलेल्या मोबाईल वरुन मुलांच्या वडिलांकडे दहा लाखाची रक्कम द्या नाहीतर तुमच्या मुलाला मारु अशी (Crime News) धमकी दिली. 

सापडला गावकऱ्यांच्या ताब्यात 

बाहेर गेलेल्या मुलाच्या वडिलांनी आपल्या भावाला याची माहिती दिली असता मुलाच्या काकांनी त्यांचा शोध घेत आवाज दिला. आवाज एकटाच मुलांनी त्यांना साद घातली. यानंतर चोरटा मोबाईल व बॅग तेथेच टाकून पळून जात असतांना गावकऱ्यांनी त्याचा पाठलाग करतपकडले व त्याला चांगलाच चोप दिला. यानंतर त्याला पोलिसांच्या स्वाधिन केले.