Manoj Jarange Patil News:

मराठा आरक्षणासाठी लढा उभारलेले मनोज जरांगे पाटील सध्या राज्याचा दौरा करत आहेत. गावागावात, चौकाचौकात मनोज जरांगे पाटील यांचे जल्लोषात स्वागतही होत आहे. येवल्यामध्ये जरांगे पाटलांच्या स्वागतावेळी अपघाताची घटना घडली असून जेसीबीचा हायड्रो अचानक खाली चार कार्यकर्त्ते खाली कोसळले.

याबाबत सविस्तर माहिती अशी की, मनोज जरांगे-पाटील (Manoj Jarange Patil) आज नाशिकच्या (Nashik) येवला येथे दाखल झाले आहेत. भुजबळांच्या बालेकिल्यात जरांगे पाटील यांचे जंगी स्वागत करण्यात आले. जरांगे पाटलांचे जेसीबीवरुन फुलांची उधळण करत मोठ्या उत्साहात स्वागत करण्यात आले.

यावेळी जरांगे पाटील यांच्या स्वागतासाठी मागवण्यात आलेल्या जेसीबीला अपघात झाला. फुलांची उधळण करण्यासाठी काही तरुण जेसीबीवर चढले होते. अचानक जेसीबीचा हायड्रा खाली आल्याने ३ ते ४ कार्यकर्ते खाली कोसळले. या अपघातात एक जण किरकोळ जखमी झाला तर एक जण गंभीर जखमी झाला असून त्याला कोपरगाव येथे हलविण्यात आले आहे.

अन् मनोज जरांगे कार्यकर्त्यांवर संतापले...

दरम्यान, यावेळी काही उत्साही कार्यकर्त्यांमुळे मनोज जरांगे चांगलेच संतापल्याचे पाहायला मिळाले. काही अती उत्साही कार्यकर्त्यांकडून जरांगे पाटील यांना आपल्याच गाडीत बसण्याचा आग्रह करण्यात आला. कार्यकर्त्यांच्या आग्रहामुळे जरांगे पाटील संतापले. (Latest Marathi News)