अशोक खरात प्रकरणात दररोज नवीन खुलासे होत आहेत. त्याचदरम्यान या प्रकरणात नवा ट्विस्ट मिळाला आहे. खरात हा काळा पैसा व्हाईट करत असल्याचा दावा ठाकरे गटाच्या नेत्या सुषमा अंधारे यांनी केला आहे. माध्यमांशी बोलताना त्यांनी खरात प्रकरणात हा खुलासा केला आहे. दीपक केसरकर आणि अशोक खरात यांच्यातील बैठकीचे आणखी काही फोटो दाखवत त्यांनी या प्रकरणातील नवा खुलासा केला. त्यांच्या नव्या दाव्यामुळे शिंदे गटाचे नेते दिपक केसरकर अडचणीत येतील अशी श्क्यता आहे?

'संजय राऊतांच्या कंपूकडून आपल्याला खरात प्रकरणात अडवलं जातंय. बदमान केलं जातंय. खरातच्या कोणत्याही कृत्यात आपला सहभाग नसल्याचं म्हणत केसरकरांनी सुषमा अंधारे यांचे आरोप फेटाळून लावले होते. त्याला प्रत्त्युत्तर देण्यासाठी सुषमा अंधारे यांनी आज पत्रकार परिषद घेत धक्कादायक प्रकरण समोर आणलंय. खरात प्रकरणात याप्रकरणात एकट्या चाकणकर नाहीतर केसरकर यांची चौकशी व्हावी.

त्याचबरोबर आता याप्रकरणात जगदंब पतसंस्थेची एंट्री झाली आहे. अंधारे यांनी पत्रकार परिषदेत दाखवलेल्या फोटोमध्ये जगदंब पतसंस्थेचा प्रमुख दिसत आहे. हा व्यक्ती काळा पैसा पांढरा करायचा, असा दावा सुषमा अंधारे यांनी केला आहे.

कोण आहे नामकर्ण एकनाथ आवारे?

नामकर्ण एकनाथ आवारे हा दीपक केसरकर आणि अशोक खरात यांच्या अनेक फोटोमध्ये दिसत आहे. संगमनेर, सिन्नर आणि तेथील आजूबाजूच्या वाड्यामध्ये माहिती घेतली असता हा व्यक्ती अनेक बड्या नेत्यांचे अधिकाऱ्यांचे कर्मचाऱ्यांचे पैसे ब्लॅकचे व्हाईट करतो, अशी माहिती तेथील लोकांनी दिल्याचं सुषमा अंधारे म्हणाल्या. पोलिसांनी याला खरात प्रकरणी रेकॉर्डवर आणणं गरजेचे असल्याचं म्हणत हा माणूस केसरकरांच्या सोबत काय करतोय, असा सवाल अंधारे यांनी केलाय.

केसरकर तुमचं कार्यक्षेत्र शालेय शिक्षण मंत्री होतं. शालेय शिक्षण मंत्र्याच एका पतसंस्थेच्या प्रमुखासोबत काय बोलणं चाललंय? कशासाठी हा माणूस तुमच्यासोबत सारखा सारखा दिसतोय? या माणसाला आणि खरातला घेऊन तुम्ही कुठल्या आर्थिक व्यवहाराबद्दल बोलत आहात? असे सवाल अंधारे यांनी केसरकरांना केलेत.