Nashik News: नाशिकमधून अपघाताची एक मोठी बातमी समोर आली आहे. तीन वाहनांची एकमेकांना जोरात धडक बसली आहे. यामध्ये बस, पिकअप आणि ट्रॅक्टर अशी तीन वाहने एकमेकांवर आदळली. त्यामुळे या घटनेत एकाचा मृत्यू झाला आहे. (Latest Marathi News)

मिळालेल्या माहितीनुसार, नाशिकच्या सटाणा-देवळा महामार्गावर रात्रीच्या सुमारास सावकी फाटा येथे बस,ट्रॅक्टर व पीकअप यांचा तिहेरी अपघात (Accident) होऊन यात ट्रॅक्टर चालकाचा दुर्दैवी मृत्यू झाला आहे. तर बस मधिल प्रवाशांसह ट्रॅक्टरवरील १० पेक्षा जास्त प्रवाशी जखमी झालेत.

नाशिकहून नंदुरबारकडे भरधाव जाणा-या बसची ट्रॅक्टरला धडक बसल्याने ट्रॅक्टर पुढे जाणा-या पिकअपवर जाऊन धडकला.अपघाताची माहिती समजताच जखमींना शासकीय रुग्णालयात उपचारासाठी हलविण्यात आले होते.

द बर्निंग ट्रॅव्हल्सचा थरार!

वाशीमच्या जाग माथा परिसरात आज पहाटे ५ वाजेच्या दरम्यान नागपूरवरून नांदेडकडे जाणाऱ्या एका खाजगी प्रवासी वाहतूक करणाऱ्या ट्रॅव्हल्सला अचानक आग लागल्याची घटना घडली आहे. ही घटना घडली तेव्हा या मध्ये 30 प्रवासी प्रवास करत होते.

दरम्यान आग (Fire) लागल्याचा प्रकार एका प्रवाश्याच्या लक्षात येताच चालकाला तत्काळ माहिती देताच सर्व प्रवासी खाली उतरले त्यामुळे मोठा अनर्थ टळला. मात्र, या घटनेमध्ये बस (Bus) जळून राख झाली. या घटनेत कुणीही जखमी झाले नसले तरी मात्र प्रवाश्याच्या साहित्याचा कोळसा झाला आहे.