नंदुरबार : नवापुर तालुक्यातील वागदी धरणात नेहमी मासेमारीसाठी येणाऱ्या व्‍यक्‍तीचा मासेमारी करताना जाळ्यात अडकला. जाळ्यात अडकल्‍याने पाण्यात बुडून सदर व्‍यक्‍तीचा मृत्यू (Death) झाल्‍याचा घटना उघडकीस आली. (nandurbar news wagdi dam caught in a net while fishing and Death by drowning)

साक्री (Sakri) तालुक्यातील भरत होळजू जगताप (वय ४५) हे मासेमारीसाठी वागद धरणात (Wagad Dam) येत होते. भरत जगताप हे साक्री तालुक्यातील खाटाळ आंबा येथील रहिवासी असून मासेमारी (Fishing) करून आपला उदरनिर्वाह करत होते. नेहमीप्रमाणे रात्री ते वागदी येथील धरणात मासेमारी करण्यासाठी जाळे टाकत असताना अंधारात जाळ्यात अडकल्यानंतर खोल पाण्यात कडाक्‍याच्या थंडीने त्यांचा मृत्यू झाला आहे. मासेमारी करताना ते एकटेच असल्यामुळे त्यांना कोणीही वाचवू शकले नाही.

मोटारसायकलवरून उभी असल्‍याने आला संशय

भरत जगताप यांची मोटर सायकल धरणाबाहेर गेल्या दोन दिवसांपासून उभी होती. वागदी गावचे सरपंच किसन गावित यांना ह्या मोटरसायकलच्या संशय आल्‍याने त्‍यांनी विसरवाडी पोलिसांना (Police) याबाबत माहिती दिली. यानंतर तपास केला असता सदर व्यक्ती मासेमारीसाठी जाळे टाकताना जाळ्यात अडकून कडाक्याच्या थंडीने मृत्यू झाल्याची बाब समोर आली आहे. विसरवाडी पोलीस व स्थानिक नागरिकांच्या मदतीने सदर मृतदेह बाहेर काढून पंचनामा करून शवविच्छेदनासाठी विसरवाडी ग्रामीण रुग्णालयात नेण्यात आला आहे. याबाबत विसरवाडी पोलीस अधिक तपास करीत आहे. भरत जगताप यांच्या दुर्दैवी मृत्यूबाबत त्यांच्या परिवाराला विसरवाडी पोलिसांद्वारे माहिती देऊन कळविण्यात आल्याने घटनास्थळी दाखल झाले आहे.