पतंग उडविण्याचा आनंद क्षणात विरला; चिमुकल्‍याचा मृत्‍यू

जळगाव : मकरसंक्रांतनिमित्‍ताने पतंगोत्‍सवाचा आनंद बालगोपाल घेत असतात. सकाळपासून मोकळ्या मैदानात पतंग उडवित असल्‍याचा आनंद क्षणात विरला. दहा वर्षीय मुलाच्‍या मृत्‍यूने कुटूंबावरच दुःखाची संक्रांत ओढवली. (jalgaon news makar sankranti enjoy of flying a kite tuch electric pol current and boy death)

जळगाव (Jalgaon) शहरापासून जवळ असलेल्‍या कुसुंबा गावात सदर घटना घडली. पतंग उडवत असताना दहा वर्षीय मुलाचा विजेच्या तारेला (Electric Current) धक्‍का लागल्यामुळे मृत्यू झाला. सदरची दुर्दैवी घटना आज दुपारी बाराच्‍या सुमारास घडली. यामुळे गावांमध्ये हळहळ व्यक्त करण्यात येत आहे.

तारांमध्‍ये पतंग अडकला अन्‌

हितेश ओंकार पाटील (वय १०) असे मृत मुलाचे नाव आहे. हितेश मित्रांसोबत मोकळ्या मैदानात पतंग उडवायला गेला होता. पतंग (Kite) उडवीत असताना विजेच्या तारांमध्ये अडकला. हा पतंग काढण्याचा प्रयत्न करीत असताना त्याला विजेच्या तारेचा शॉक लागला. हा प्रकार घडल्‍यानंतर ग्रामस्थांनी त्यास तात्‍काळ शासकीय वैद्यकीय महाविद्यालय (Jalgaon Medical Collage) व रुग्णालयात उपचारासाठी नेले. मात्र वैद्यकीय अधिकारी डॉ. स्वप्निल कळसकर यांनी त्यास मृत घोषित केले.