सागर निकवाडे 
नंदुरबार : ललित पाटील प्रकरणात विरोधकांकडून आरोप केले जातात. मात्र जोरात बोलून खोटं सत्य बसवण्याचा प्रयत्न (Nandurbar) विरोधकांकडून केला जात आहे. ज्या मंत्र्यांवर आरोप करण्यात आले आहेत; त्यांच्याकडे विरोधकांना कायदेशीर नोटीसा देण्यात आल्या आहेत. तर विरोधकांकडे ललित पाटील प्रकरणाची मोठ्या प्रमाणात माहिती असून त्यांचीही चौकशी करण्यात यावी; अशी मागणी यावेळेस उद्योग मंत्री उदय सामंत (Uday samant) यांनी केले आहे. (Live Marathi News)

नंदुरबार जिल्हा शिवसेना शिंदे गटाच्या जिल्हा मध्यवर्ती कार्यालयाचे उद्घाटन राज्याचे उद्योग मंत्री उदय सामंत यांच्या हस्ते करण्यात आले. या उद्घाटनानंतर त्यांनी पत्रकार परिषदेत उद्धव ठाकरे गट आणि राज्यातील (Shiv Sena) विरोधकांवर चौफेर फटकेबाजी केली. तसेच आरोप करणाऱ्यांनी याचेही उत्तर द्यावे की सचिन वांजे हा कुणाचा पण होता आणि त्याच्या माध्यमातून वसुली फोन करत होते असाही प्रश्न त्यावेळेस त्यांनी उपस्थित केला आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मराठा आरक्षणाच्या संदर्भात राज्य सरकारकडून काम सुरू असून समितीचे अध्यक्ष चंद्रकांत पाटील यांच्या अध्यक्षतेखाली बैठक संपन्न झाली. मराठा समाजाला टिकणारे आरक्षण दिलं जाईल. मात्र ते कधी हे सांगण्यास त्यांनी असमर्थता दाखवली. मराठा समाजातील तरुणांनी टोकाची पावलं उचलू नये; असे आव्हान त्यांनी यावेळेस मराठा समाजातील तरुणांना केले आहे.

बाहेरून उद्योग येत आहेत 
राज्यातील उद्योग बाहेत जात असून राज्य सरकार त्याकडे दुर्लक्ष करत असल्याचे आरोप विरोधकांकडून केला जात होता. मात्र राज्यात आता मोठ्या प्रमाणात उद्योग येत असून गुजरात आणि आसाममधूनही उद्योग राज्यात येत आहेत. या गोष्टी राज्यातील विरोधकांना दिसत नाहीत का? असाही प्रश्न यावेळेस उद्योग मंत्री उदय सामान त्यांनी उपस्थित केला.

आमदार आपात्रेच्या संदर्भात वेळ काढूपणा केला जात असल्याचा आरोप विरोधकांकडून केला जात आहे. मात्र अपात्र त्या सुनावणी त्यावेळेस पिटीशन कोणी दाखल केली, सुनावणी कोणामुळे लांबणीवर होत आहे; हे राज्यातील सर्वे जनतेला माहिती. वेळ कोणी मागून घेतली सर्व सुनावण्या एकत्र घेण्याचे मागणी कोणी केली हे जनतेला माहीत असून अध्यक्ष योग्य पद्धतीने काम करत असल्याचे मंत्री उदय सामान त्यांनी सांगितले.