नंदुरबार : जिल्ह्यातील सहा पंचायत समितींच्या सभापतीपदाची आरक्षण सोडत काढण्यात आली. यात तळोदा, (Navapur) नवापूर व नंदुरबार येथील पंचायत समितीसाठी अनुसूचित जमाती महिला राखीव असून अक्कलकुवा, अक्राणी व शहादा (Shahada) येथे अनूसूचित जमाती सर्वसाधारण जागेसाठी राखीव आहे. (Nandurbar Today News)

नंदुरबार (Nandurbar) जिल्ह्यातील पंचायत समिती सभापती पदाचे आरक्षण सोडत आज (९ ऑक्टोंबर) जिल्हाधिकारी कार्यालयात उपजिल्हाधिकारी कल्पना निळ- ठुबे यांच्या अध्यक्षतेखाली पार पडली. यात पुर्णतः अनुसूचित क्षेत्रामध्ये (Akkalkuwa) अक्कलकुवा, अक्राणी या पंचायत समितींमध्ये अनुसूचित जमाती सर्वसाधारण तर तळोदा व नंदुरबार येथे अनुसूचित जमाती महिला राखीव पदाचे आरक्षण जाहिर झाले. तर अंशतः अनुसूचित क्षेत्रामधील शहादा पंचायत समितीत अनुसूचित जमाती सर्वसाधारण व नंदुरबार पंचायत समितीत अनुसूचित जमाती महिला राखीव आहे. या सभेमध्ये अनुसूचित जमातीसाठी व अनुसूचित जमातीच्या महिलांसाठी १३ ऑक्टोंबरपासून सुरू होणार्‍या उर्वरीत कालावधीसाठी आरक्षण जाहीर करण्यात आल्याची उपजिल्हाधिकारी कल्पना निळ-ठुबे यांनी दिली.