नंदुरबार : लाचलुचपत प्रतिबंधक विभागाच्या अधिकाऱ्यांनी विसरवाडी (ता. नवापूर) पोलिस ठाण्याच्या पोलिस शिपायाला आठ हजार रुपयांची लाच (Bribe) स्वीकारताना रंगेहाथ पकडले. (Letest Marathi News)

तक्रारदार व इतर यांच्यात झालेल्या मारहाण व वादाच्या प्रकरणात गुन्हा दाखल होऊ नये; म्हणून पोलिस शिपाई दारासिंग जोरसिंग पावरा याने तक्रारदाराकडून १० हजार रुपयांच्या लाचेची मागणी केली होती. तडजोडीअंती आठ हजार रुपये देण्याचे ठरले. (ACB) लाचलुचपत विभागाने सापळा रचून पावराला आठ हजार रुपयांची लाच स्वीकारताना रंगेहाथ पकडले.

पोलिस शिपाई पावरा याच्याविरुद्ध विसरवाडी पोलिस ठाण्यात गुन्हा नोंदविण्याचे काम सुरू होते. चलुचपत प्रतिबंधक विभागाच्या पोलिस निरीक्षक माधवी वाघ, हवालदार विलास पाटील, पोलिस नाईक अमोल मराठे, ज्योती पाटील, मनोज अहिरे यांच्या पथकाने ही कारवाई केली.