सागर निकवाडे

नंदूरबार : राज्य परिवहन महामंडळाने अनेक भागात इलेक्ट्रिक बस सुरू केली आहे. या इलेक्ट्रिक बसमुळे (Electric Bus) इंधन आणि प्रदूषणमुक्ती होणार आहे. यासाठी इलेक्ट्रिक बस सुरू करण्यात आली आहे. त्यामुळे आता (Nandurbar) सातपुड्याच्या डोंगर रांगांमध्ये देखील इलेक्ट्रिक बस धावणार आहे. (Latest Marathi News)

राज्‍य परिवहन महामंडळाकडून टप्‍प्‍याटप्‍प्‍याने इलेक्‍ट्रीक बस सुरू केल्‍या जात आहे. महामंडळाच्‍या प्रत्‍येक विभागात या बस सुरू होत आहे. या अनुषंगाने नंदुरबार जिल्ह्यातील चारही आगारांना प्रत्येकी तीन इलेक्ट्रिक बस दिली जाणार आहे. सातपुड्याच्या डोंगर रांगांमध्ये मोठ्या बसेस घाटात चालत नाही. त्यामुळे मिनी इलेक्ट्रिक बस दिली जाणार आहे.

इलेक्ट्रिक बस मुळे इंधन प्रदूषणमुक्त त्यासोबत वेळेची देखील मोठी बचत होणार आहे. तर परिवहन महामंडळाच्या (MSRTC) तिजोरीत देखील पैशांची वाढ होणार आहे. या इलेक्ट्रिक बससाठीचा चार्जिंग स्टेशन लवकरच तयार करण्यात येणार आहेत. आधी चार्जिंग स्टेशन तयार करण्यात येणार आहेत. त्यानंतर इलेक्ट्रिक बस देखील येणार आहेत.