सागर निकवाडे 
नंदूरबार : उपमुख्यमंत्री देवेंद्र फडणवीस यांनी कोळी समाजाला आदिवासी समाजात आरक्षण देण्याचे आश्वासन निवडणूक काळात दिले असल्याचं सांगत दिलेला शब्द पाळला जात नाही. यामुळे कोळी समाज आक्रमक झाला असून (Nandurbar) नंदुरबार जिल्ह्यात कोळी समाजाने आरक्षणाचा मागणीसाठी तीव्र आंदोलन सुरू केले आहे. (Maharashtra News)

राज्यात मराठा व धनगर समाजाचे आरक्षणासाठी (Dhangar Reservation) आंदोलन सुरु आहे. यात आता कोळी समाज आरक्षणाच्या मागणीसाठी आक्रमक झाला असून नंदुरबार जिल्ह्यात कोळी समाजाच्यावतीने दिवसभर निदर्शने करण्यात येणार आहेत. दरम्यान बऱ्हाणपूर- अंकलेश्वर महामार्गावर रस्ता रोको आंदोलन करण्यात आले असून आंदोलनात मोठ्या संख्येत समाज बांधव सहभागी झाले आहेत. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

आंदोलन तिव्र करण्याचा इशारा 

रस्ता रोको आंदोलनामुळे महामार्गावर वाहनांच्या मोठ्या रांगा लागल्या आहेत. आंदोलन अजून तीव्र करण्याचा इशारा कोळी समाजाच्यावतीने देण्यात आला असून सरकारने कोळी समाजाच्या मागण्यांचा सकारात्मक विचार न केल्यास धुळे ते मुंबई पदयात्रेचा इशाराही यावेळेस देण्यात आला आहे.