सागर निकवाडे

नंदूरबार : नंदुरबार शहरासह जिल्ह्यात गेल्या दोन दिवसांपासून पावसाची संततधार सुरू आहे. या दरम्‍यान दमदार (Rain) पावसामुळे बळीराजा सुखावला आहे. पेरण्यांचे (Nandurbar) कामाची देखील लगबग आता सुरू आहे. (Latest Marathi News)

नंदुरबार जिल्‍ह्यात सुरू असलेल्‍या पावसामुळे पेरण्यांना आणि भात लागवडीला वेग आला असून जिल्ह्यात जवळपास एक लाख पेक्षा अधिक हेक्टर क्षेत्रावर पेरणी झाली आहे. तर नवापूर, अक्कलकुवा, धडगाव तालुक्यांमध्ये भात लागवडीला सुरुवात झाली आहे. दमदार पावसामुळे शहरातील अनेक सकल भागात पाणी साचल्याचही समोर आले आहे. जिल्ह्यातील ग्रामीण भागात सध्या भात लागवडीची आणि पेरणीची लगबग दिसून येत आहे.

दुसरीकडे दमदार पावसामुळे नदी नाले प्रवाहित झाले असून छोटे मोठे केटीवेअर बंधारे भरल्याने ग्रामीण भागातील पाणीटंचाई कमी होण्यासाठी मदत होणार आहे. ग्रामीण भागातील जनतेला तात्पुरता दिलासा मिळाला असला, तरी मोठ्या धरणांच्या पाणीसाठ्यात अजूनही वाढ नसल्याने चिंता कायमच आहे.