सागर निकवाडे

नंदूरबार : नंदुरबार तालुक्यातील तलवाडे (शनिमांडळ) गावात घराला आग (Fire) लागून मोठ्या प्रमाणात आर्थिक (Nandurbar) नुकसान झाले आहे. यात कुटूंबाचे मोठे आर्थिक नुकसान झाले आहे. (Maharashtra News)

तलवाडे (नंदुरबार) गावात आज दुपारी तीन वाजेच्या सुमारास तलवाडे गावातील गोसावी यांच्या घराला अचानक आग लागली. आगीने पाहता पाहता तीव्र रूप धारण केल्याने संपूर्ण घरात आग पसरली. आगीची माहिती मिळाल्यानंतर गावातील तरुणांनी मिळेल त्या साधनाने आग विझवण्याचा प्रयत्न केला. आगीवर नियंत्रण मिळवल्यानंतर आधी झालेल्या नुकसानीचा अंदाज आला असून घरातील संसार उपयोगी साहित्य आणि शेतीमाल विकून आलेली ४ लाख रुपये रोकड आगीत जळून खाक झाले आहे.

आगीचे कारण अजून समजले नसून तालुका पोलीस स्टेशनला अग्नी उपद्रव कायद्यानुसार तक्रार देण्यात आली. आगीत मोठ्या प्रमाणात नुकसान झाल्याने प्रशासनाने पंचनामे करून नुकसान भरपाई मिळवून द्यावी; अशी मागणी पीडित परिवाराच्या वतीने करण्यात येत आहे.