नंदुरबार : महाराष्ट्र शासनाच्या सार्वजनिक आरोग्य विभागातील गट ‘ड’च्‍या रिक्त पदांसाठी परीक्षा घेण्यात आली. या परीक्षेसाठी नंदुरबार जिल्ह्यात आज वीस केंद्रांवर ७ हजार १२७ परीक्षार्थींचे नियोजन करण्यात आले आहे. त्‍यानुसार परीक्षा शांततेत पार पडली. (nandurbar-news-Group-D-post-of-state-Health-Department-nandurbar-district)

आरोग्‍य विभागतील गट ‘ड’च्‍या रिक्‍त पदांसाठी परीक्षा झाल्‍या. नंदुरबार जिल्‍ह्यतील परीक्षा केंद्रांवरील कर्मचाऱ्यांद्वारे विद्यार्थ्यांना कोरोनाच्या नियमांचे पालन करूनच प्रवेश दिला जात आहे. परीक्षार्थींना मास्क बंधनकारक असून ऑक्सीमीटर व टेंपरेचरच्या साह्याने तपासणी करूनच विद्यार्थ्यांना आत सोडले जात आहे. सर्व 20 केंद्रांवर पोलिस प्रशासनाच्या वतीने बंदोबस्त लावण्यात आला आहे.

परीक्षा शांततेत

प्रशासनाच्यावतीने दोन अतिरिक्त केंद्रांची निर्मिती देखील करण्यात आली आहे. जिल्ह्यातील सर्वच परीक्षा केंद्रांवर सुस्थितीत परीक्षा सुरू असल्याची माहिती नंदुरबार जिल्ह्याचे जिल्हा शल्यचिकित्सक डॉ. चारुदत्त शिंदे यांनी दिली आहे.