नंदुरबार : नकळत मोबाईल व एसबीआय बँकेच्या एटीएमचा (ATM) वापर करून त्याद्वारे युपीआय आयडी तयार केला. यानंतर बँक खात्यातून १ लाख ७१ हजार रुपये परस्पर काढून महिलेची फसवणूक केल्याचा प्रकार (Nandurbar) नंदुरबारमध्ये घडला आहे. या प्रकरणी महिलेसह दोघांविरुद्ध गुन्हा दाखल करण्यात आला आहे. (Tajya Batmya)

नंदुरबारमध्ये वास्तव्यास असलेल्या संध्या मधुकर यार्दी यांची फसवणूक (fraud) झाल्याचा प्रकार समोर आला आहे. दरम्यान मुंबई भांडुप ईस्ट येथील अंकिता आनंद पालव व केशन मंगेश पालव यांनी निवृत्त सरकारी कर्मचारी संध्या वामनराव यार्दी (वय ६५) यांच्या नकळत मोबाईल व एसबीआय एटीएम कार्डचा वापर करून युपीआय आय डी तयार करून त्यांच्या (Bank) स्टेट बँक ऑफ इंडिया, नंदुरबार शाखेच्या बचत खात्यातून एकूण १ लाख ७१ हजार रुपये स्वतःच्या खात्यात ट्रान्सफर केले. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

बँक खात्यातून पैसे काढल्याचा प्रकार संध्या यार्दी यांच्या लक्षात आल्याने त्यांनी पोलिसात फसवणूक झाल्याची तक्रार पोलिसात दाखल केली आहे. याप्रकरणी पोलिस उपनिरीक्षक सागर आहेर तपास करीत आहेत.