नवापूर (नंदुरबार) : येथील पोलिस ठाण्यातील कारागृहातून पाच कैदी सोमवारी सकाळी फरार झाले. ही घटना कळताच पोलिस (Police) प्रशासनाची कैद्यांना पकडण्यासाठी धावपळ सुरू झाली. पोलिस अधीक्षक पी. आर. पाटील, पोलिस उपअधीक्षक सचिन हिरे यांनी तात्काळ घटनास्थळी भेट देऊन माहिती घेतली. (Letest Marathi News)

घटनेबाबत गुजरात (Gujrat) पोलिसांना कळवून कैद्यांना पकडण्यासाठी मदत घेतली आहे. पळालेले कैदी गुजरात राज्याच्या दिशेने उसाच्या शेतात लपल्याची (Nandurbar News) माहिती मिळाल्याने शोध घेण्यात आला. दुपारी गुजरात पोलिसांनी हैदर ऊर्फ इस्राईल ईस्माईल पठाण ( २०, रा. कुंजखेडा, ता. कन्नड, जि. औरंगाबाद) याला गुजरात पोलिसांनी पकडले आहे.

दगडी भिंतीतील खिडकी तोडली

नवापूर (Navapur) पोलिस ठाण्यातील कारागृहाच्या मागच्या बाजूला असलेल्या शौचालयाच्या दगडी भिंतीत असलेल्या लाकडी खिडकी तोडून कैदी पळाले. कारागृहाबाहेर चोवीस तास पोलिस पहारा असतो. तरीही पाच कैदी फरार झाल्याने आश्‍चर्य व्यक्त होत आहे. कैदी पळाले तो रस्ता चोविस तास रहदारीचा व वर्दळीचा आहे. त्यामुळे तो कुणालाही दिसले नाहीत का? असा प्रश्‍नही उपस्थित केला जात आहे. दुपारनंतर गुजरातमधील पोलिसांनी एकाला पकडले असून उच्छल पोलिस ठाण्यात घेऊन गेल्याची माहिती मिळाली आहे.

सोशल मिडीयावर केले फोटो व्‍हायरल

पळून गेलेले कैदी दरोड्यातील गुन्ह्यात अटक होती. या घटनेनंतर नवापूर तालुक्यात व गुजरात राज्याच्या सीमावर्ती भागात पोलिसांनी कडेकोट बंदोबस्त लावला आहे. कैद्यांना पकडण्यासाठी सर्व यंत्रणा कामाला लावली. सोशल मीडियावर फरार कैद्यांचे छायाचित्रे व्हायरल झाली आहेत. पळालेल्या कैद्यांमध्‍ये इरफान इब्राहिम पठाण (वय ३५), युसुफ असिफ पठाण (वय २२), गौसखों हानिफखॉ पठाण (वय ३४, सर्व रा. ब्राम्हणी, गराडा, ता. कन्नड), अकिलखों ईस्माईलखॉ पठाण (२२, रा. कठोरा बजार, ता. भोकरदन) यांचा समावेश आहे.